Mi-apod-apod og relief packs ang Philippine Charity Sweepstakes Office (PCSO) ngadto sa mga Lotto ug STL tellers dinhi sa dakbayan sa Dipolog, adlaw'ng Miyerkules, Hunyo 30 ning tuiga sa may alas 3:00 ang takna sa hapon didto sa bag-ong City Hall.

Kini gipahigayon sa pamunoan sa nasangpit nga ahensiya dinhi sa dakbayan aron mahatagan og ayuda ang mga Lotto ug STL tellers nga nawad-an og trabahoa sulod sa walo (8) ka adlaw.


Sumala ni Mr. Walter Serrano, Branch Head sa PCSO-Zamboanga del Norte, ang ilang buhatan nisanong sa hangyo ni Mayor Darel Dexter T. Uy nga sirad-an ona ang mga Lotto ug STL outlets tungod kay anaa ang dakbayan sa MECQ og tungod niini, nawad-an og trabaho ang kapin kon kulang 200 ka mga Lotto ug STL tellers. Ang pagpanghatag ning nasangpit nga relief packs maoy paagi sa pamunoan sa PCSO nga makatabang sa kanila.

Samtang si Mr. Arturo Ciolo, Sales and Marketing Manager midugang nga bisan ginagmay lang ang maong relief packs, kini makatabang na sa inadlaw-adlaw'ng panginahanglanon sa mga Lotto ug STL tellers.
(City Information Office-Ltd)