Cebu City - Mokabat  sa ₱ 28 milyones nga balor sa gidudahang illegal nga drugas ang nasakmit sa joint operation sa kapolisan sa Syudad sa Lapu-Lapu ug Philippine Drug Enforcement Unit (PDEA 7), Miyerkules, Hulyo 7, 2021.

Nakuha gikan sa usa ka Roldan Canillo Rosales alias "Shakira" ang upat ka kilo nga shabu sa maong buy-bust operation.

Si Rosales, 26 anyos, molopyo sa Sip-ak, Sudlon 1, Dakbayan sa Sugbo.

Nadakpan ang suspek sa bukirang barangay sa Babag 2, Syudad sa Sugbo, diin nasakmitan kini ug mga drugas drugas nga giputos sa "large heat-sealed plastic.

Gipahigayon ang  operation pinaagi sa City Intelligence Unit ug Drug Enforcement Unit sa Lapu-Lapu City Police Unit  pinanguluhan ni Police Major Joey Bicoy ug Assistant team leader Police Lieutenant Noah Anana.

Gibutyag ni PCol. Arnel Banzon, Director sa Lapu-Lapu City Police Office nga kapin sa usa ka buwan nga na monitor nila ang subject ug sud sa Cebu area ang distribution niini.

Matod ni Banzon nga ang nadakpan sa Syudad Lapu-Lapu kaniadto ilang gi backtrack ug siya ("Shakira") ang gitumbok nga source.

Sa iyang bahin, si Shakira miingon nga igo ra siyang misugat sa bag ug igo ra siyang gisugo sa tawo nga wa niya mailhi.

Gipadayag ni Banzon nga ug naay makuha naa poy mopuli.

Sa pagkasikop ni Shakira ang impact, mo nihit gamay ang supply sa drugas sa Lapu-Lapu ug sa silingan.

Samtang si Lapu-lapu City Mayor  Junard "Ahong" Chan misaysay nga niadtong buwan sa Hunyo naka accomplish ang kapolisan ug amounting to ₱ 1.4 million nga balor sa illegal nga drugas.

Sigon pa sa mayor nga hugot nilang gi monitor kung kinsa ang mga nag negosyo ug drugas.

Sa miaging tuig ang gi konsidera nga pina ka dako sa Central Visayas, pila ka million nga worth gikan sa NCR padung sa syudad.

Alang ni Chan nga sayon ra sa pag monitor kadtong naghimo ug mga illegal ug ang mga dagkong drugas nga ibagsak sa Lapu-lapu masikop gyud sa kapolisan. (Jhon Tadlip/JTY)

(Source: PDEA 7 | Lapu-Lapu City Police Office)