General Santos City - Sikop ang 5 ka sumala pa fixer sa LTO-Gensan human kining sumala pa naaktuhan sa kapulisan nga nagsugal ug Online Sabong atubangan mismo sa LTO - Gensan District Office.

Naila ang mga dinakpan nga silang, Ryan Jay R. Mascariñas, 34 anyos, minyo, freelance fixer residente sa Purok Purok 1 Santo Niño, Brgy. Apopong General Santos City, Rolando G.Mandani Sr., 51 anyos , minyo , freelance fixer residente sa  Silway 8, Polomolok South Cotabato, Ibrahim D. Nandu, 38 anyos minyo, freelance fixer residente sa  Carcon village, Brgy. Lagao General Santos City, Reymundo C.Felisida, 39 anyos, ulitawo, freelance fixer residente sa Crisostomo, Brgy. Calumpang General Santos City, ug Gene C. Balboa Jr., 41 anyos, minyo  freelance agent ug residente sa Purok Acharon Brgy. Labangal, General Santos City.

Sumala pa sa report sa kapulisan nga alas 3:00 ang takna sa hapon, nagpahigayon matud pa ug operasyon batok illegal nga sugal ang kapulisan sa Pendatun Police station sa pagpanguna ni PLt. Omar Baret ang deputy station commander sa maong estasyon. Didto na naaktuhan ang mga nasangpit nga nagsugal.

Tungod niini gilayong gisikop ang nasangpit ug balhog na karon sa selda sa Pendatun police station kung asa giandam na sa kapulisan ang kasong pagsupak sa PD 1602. Known as illegal Gambling. (John Rey Somido)