Nakig-alayon na ang General Santos City government sa Philippine Fisheries Development Authority ug Soccsksargen Federation of Fishing and Allied Industries Inc. alang sa nakatakdang vaccine rollout sa mga essential workers sa local fishing industry, taliwala sa padayong bahad sa coronavirus pandemic.

Matod pa ni City Mayor Ronnel Rivera, aduna nay gi-request ang city government nga 5,000 vials sa Covid vaccines alang sa mga eligible workers sa fish port complex, canning ug fishing companies sa siyudad ug sa uban pang nalakip sa A4 priority group.

Target usab nga mahatagan sa maong libreng bakuna ang mga crew members sa nagkadaiyang fishing boats nga ga-lawig sa international waters ug gatabok sa ubang sea ports.

Sa karon, gihulat pa sa LGU ang dugang suplay sa bakuna nga itagana alang sa maong priority group. (John Rey Somido)