Gisaludohan sa Communist Party of India (CPI)-Maoist si Father Stan Slas Lurd Swamy human mipunaw niadtong Hulyo 5 sa edad nga 84. Namatay si Fr. Swamy sa atake sa kasingkasing dihang wala gitugutan magpyansa luyo sa katiguwangon, sakit nga Parkinson ug Covid-19. Si Fr. Swamy usa ka tigsuporta sa minoryang katawhan ug ilang pakigbisog sa Jharkhand sulod sa tulo ka dekada.
Giaresto si Swamy sa armadong pwersa sa India niadtong Oktubre 2020 human akusahan sa "terorismo," pagka myembro sa CPI-Maoist ug pagkalambigit sa kasong gitawag og Bhima-Koregaon.
Lakip sa kasong Bhima-Koregaon ang 14 pa ka mga aktibista, propesyunal, ug mga tigpanalipud sa tawhanong katungod. Gilambigit sila sa usa ka "gubot" sa usa ka panagtapok niadtong Disyembre 2017 sa Bhima Koregaon, distrito saPune sa Maharashtra. Giakusahan silang nagplanong patyon ang punong ministro sa India nga si Narendra Modi. Gigamit batok kanila ang Unlawful Activities (Prevention) Act sa 2018 nga giamyendahan ug mas gipabangis niadtong 2019. Nanawagan ang CPI-Maoist sa tanang katawhan sa India ug mga demokratikong organisasyon sa laing nasud nga suportahan ang hinanali nga pagpabasura sa balaod.
WordPress.com
No comments:
Post a Comment