Natiliwan ti dati a kameng ti New People's Army iti paltog ken shabu iti Brgy. Cayubog, Paoay, Ilocos Norte babaen iti buy bust operation ti Provincial Drug Enforcement Unit ti Ilocos Norte Police Provincial Office.

Nabigbig ti suspetsya a ni Dennis Atong agtawen ti tallopulo ket dua ken nagpabigbig a kas rebel returnee sadiay Digos City, Davao del Sur ken drug surrenderee iti brgy. Pambaran, Paoay, Ilocos Norte.

Nakompiskar iti ikot ni Atong maysa a genuine one thousand pesos bill, 4 a fake money one-thousand-peso bill 5 a sachet a naglaon iti maipagarup a shabu ken cellphone nga OPPO.

Karaman a nakompiskar kenkuana ti one unit revolver magnum 357 ken uppat a bala ti 357.

Maipila ken ni Atong ti kaso a panaglabsing iti R.A. 9165 ken R.A. 10591.
(Rodrigo Sadian, RPN DZRL Batac OIC)

 (Source: PDEU-INPO)