Cebu City - Gi-angkon ni Lapu-Lapu City Mayor Junard Chan nga unpopular o drastic ang iyang giluwatan nga Executive Order No. 2021-040 aron lang magpa bakuna ang mga molopyo gumikan sa nagsaka nga gidaghanon sa mga  nangamatay ug mga kaso sa Covid-19 sa syudad.

Dugang gi angkon ni Chan nga naka basa siya ug mga negatibong comments ug gi bash siya sa netizen sa social media gumikan sa iyang giluwatan nga EO, partikular na ang Section No. 4.

Ang  Section 4 sa maong EO, pinitsahan ug Hulyo 26, 2021, nag require sa pagpakita ug vaccination cards sa dili pa makasud sa public ug private markets, convenience stores ug department stores.

Dili man gani, basin ug mahibalik sa kanhi MECQ, total lockdown ug work stoppage.

Gikalipay ni Chan nga human sa pag issue sa maong EO, na puno ang unom ka mga vaccination sites sa Syudad.

Nagkanayon ang mayor nga dili angayan nga mabalaka o o dunay violent reaction ang iyang mga konstituwente mahitungod sa Section 4,  tungod kay dili kini ipatuman diha diha; duna pay dul-an sa 30 ka adlaw sa dili pa kini i-implementa inag ka Agosto 25, 2021.

Sigon pa ni Chan nga duha ka semana, ila nang makita ang indication kon ila bang ilibkas ang Section 4 o ang duna bay panginahanglan nga i extend.

"We need to do drastic, tinuod unpopular ni siya, pero this is the only answer, kay kung dili nako ni buhaton probably in two weeks maglisod na ta og lihok kay wa na tay kabutangan ang atong mga pasyente," pasabot ni Chan.

Hinoon, iyang gipadayag nga andam siya nga ma minaw sa IATF alang sa dugang katin-awan mahitungod sa maong EO.

Gibutyag sa mayor nga ang mga records nga gi submit kaniya, nagpakita nga pono pono ang mga public ug private hospital; ang mga isolation facilities pono na sab sa ug sagad niini mga pasyente nga wala pa mabakunahi.

Dugang niini nga kaniadto ang mga contract tracers, mag trace sa mga nagpositibo nga mga pasyente ug kuhaon sa Disaster Risk Reduction Management Office (DRRMO) personnel alang sa isolation; pero karon matod pa, ang mga nag positive na mga pasyente ang manawag sa DRRMO tungod kay maglisod na silag ginhawa.

"Unsay buhaton sa mayor isip amahan sa nakita nimo nga sitwasyon ? We need to level up, we need to do measures nga mapugngan nato nga di mo spread ang maong virus," dugang pasabot sa mayor.

Alang niya nga ang pagka bakuna ang maoy bugtong solusyon sa problema.

"Ang ako, particular kaayo ko sa panginabuhi, pagkaon sa mga tawo, mao nay akong gitan-aw, mao na ang akong prioridad, nga duna silay makaon," mensahi ni Chan nga dili siya boot nga mag MECQ, lockdown o work stoppage.

Nanawagan sab ang mayor nga ang mga vaccination centers mamahimo nang modawat ug walk-in kung na rehistro na sila.  (Jhon Tadlip)

(News & photo courtesy of Lapu-Lapu City Public Information Office)