Cebu City - Mitaliwan na si kanhi Cebu Governor Lito Osmeña, 82, Lunes, Hulyo 19, 2021 sa Sugbo.

Gikompirma kini sa sakop sa iyang pamilya, kabanay ug parente .

"So long Dad! You will always be part of us. Thank you is not enough!" mensahi sa iyang anak nga si Mimo.

Gitumbok nga hinungdan sa iyang kamatayon mao ang Covid-19.

Si Lito Osmena nahimong gobernador sa Lalawigan sa Sugbo gikan sa tuig 1988 hangtud sa 1992 .

Nahilom siya sa political scene kapin sa dekada, pero napatik na sa kasaysayan ang pagdala niya ug paspas nga ekonomikanhong kalamboan sa Sugbo atol sa iyang panahon sa pagka gobernador.

Dihang siya pa ang gobernador, gibaligya ni Osmena ang luna nga gipanag-iya sa lalawigan, ang Club Filipino sa Syudad sa Sugbo ngadto sa Ayala Corporation, nga na develop sa Cebu Business Park karon.

Sa panahon sab ni Lito gisugdan ang pagpalapad sa road network system  pinaagi sa gibukas nga Transcentral Highway.

Gi expand ang direct flights network sa ubang mga nasud ug milambo sab ang water ug power distribution sa lalawigan.

Nagsilbi si Lito isip chief economic adviser sa panahon ni kanhi Presidente Fidel Ramos gikan sa tuig 1993 hangtud sa 1997.

Niadtong tuig 1998, midagan si Lito sa pagka Presidente, sa iyang partido nga PROMDI ( Probinsya Muna Development Initiative ), apan napildi.

Kataposan nga public appearance niini pagka Hunyo 3, 2021, sa usa ka press conference nga nag relaunch sa PROMDI ug nag endorso sa iyang anak nga si Mariano "Mimo" Osmeña pagdagan sa 1st District sa Syudad sa Sugbo, nga nabakanti sa pagkamatay ni Kongresista Raul Del Mar.

Si Lito apo ni kanhi Presidente anhing Sergio Osmeña.

Gawas kang Sonny, duna siyay (Lito) igsoong babay nga si Annie Osmeña-Aboitiz, usa ka real estate developer.

Si Lito ug si kanhi Cebu City Mayor Tomas Osmeña manag-agaw.

Surviving spouse niini mao si Annette ug ilang mga anak nga si Mariano, Maria Luisa, ug Emilio III.  (Jhon Tadlip)

(News & photo courtesy of Friends of Lito and Mimo Osmeña)