Pasado na sa gipahigayon nga City Development Council (CDC) Meeting ning dakbayan sa Dipolog niadtong Hulyo 27 ning tuiga, sa pagpangulo sa chairman nga si City Mayor Darel T. Uy ang kapin ₱ 5.5B nga Annual Investment Plan (AIP) alang sa tuig 2022, ang 2022-20% Development Fund nga nagkantidad og Php214M, ang 2020-20% Development Fund for Reversion nikantidad kapin ₱ 4.6M, ₱ 35M nga 2021-20% Development Fund for Realignment, duha ka managlahing "unexpended balances" sa buhatan sa CDRRM (City Disaster Risk Reduction and Management) sa tuig 2020 nga parehong nagkantidad og kapin ₱ 70M og uban pa.
Ang CDC mipasar dayon og resolusyon aron sa paggahin og pundo sa tuig 2022, kini gidasonan sa mga miyembro og na-aprobahan sa konseho.
Si Engr. Albert S. Alimpulos, City Planning and Development Coordinator ang mipasabot nga ang kapin ₱ 5.5B 2022 AIP gamiton alang sa General Public Services Sector diin gipundohan kini og ₱ 999,227,940.00, Social Services Sector sa pundo nga ₱ 226,706,645.00, Economic Services Sector sa pundo nga ₱ 3,970,251.000.00 ug Other Services Sector sa pundo nga ₱ 396,311.100.00.
Samtang ng 2022 nga 20% Development Fund igahin usab alang sa Social Development Programs diin kini gipahatan og ₱ 64M, ₱ 140M usab alang sa Economic Development Program ug ₱ 10M sa Environment Management Program.
Pinaagi usab sa laing ka resolusyon, gamiton ang ₱ 4,686,032.26 nga "balance" gikan sa 2020-20% Development Fund alang sa COVID-19 related expenses lakip na ang realignment sa ₱ 35M 2021-20% Development Fund (available balance).
Nahisgutan usab sa maong tigum ang Comprehensive Land Use Plan (CLUP) sa Jose Rizal Memorial State University (JRMSU)-Dipolog Campus pinaagi ni Dr. Leonardo Zamoras.
Ang CDC meeting gipahigayon didto sa Top Plaza Hotel ning dakbayan sa Dipolog nga gitambongan ni Mayor Uy, mga hepe sa mga hingtungdang buhatan sa kagamhanang lokal, mga Barangay Kapitan sa 21 ka barangay og mga NGO (Non-government Organizations).
(News & photo courtesy of CITY INFORMATION OFFICE | DIPOLOG CITY GOVERNMENT Facebook page)
No comments:
Post a Comment