Cebu City - Nakabalik na sa pagpaninda sa mga piniling sidewalk ang kapin 600 ka mga vendors sa Syudad sa Sugbo human gimando niadtong tuig 2019, sa Department of Interior and Local Government (DILG), subay sa kamandoan ni Presidente Rodrigo Duterte.

Hinoon, anha ra sila maka paninda sa lugar nga dunay 2.5 ang gilapdon.

Niadtong Biyernes, Hulyo 2, 2021 nagsugod sa pagpaninda ang mga vendors.

"We have already allowed about 600 vendors in Cebu City nga makabalik sila pagpaninda sa atong mga sidewalk. This means and income opportunity for them sa atong paninguha nga matabangan nato sila, mensahi ni Mayor Edgar Labella.

Si Konsehal Renato Osmena Jr., Chairman sa Committee on Market sa konseho sa syudad, misuroy ug mi inspection sa sidewalk, niadtong Hulyo 5, 2021, uban sa pangulo sa Prevention Restoration Enhancement o PROBE nga si Raquel Arce.

Laing mi-uban sa pag susi ang Cebu City Transport Head, Lyntoni Alburo; City Enforcement Sanitation and Enforcement Team ( CESET).

Didto sab ang Market Operations Division, Department for the Welfare of the Urban Poor (DWUP), Cebu City Anti-Mendicancy Board ug Pangulo sa United Vendors Association Maria Pino.

Sa ilang bahin, gikalipay og mayo sa mga vendors nga nakabalik na sila sa pagpaninda nga maoy gikuhaan sa inadlaw-adlaw alang sa ilang pamilya.

Matod ni Labella nga ilang gi reinforced ang Garbo Asenso Sumbanan Alyansa o GASA nga maoy mo regulate sa mga sidewalk vendors.

" We are making sure nga hapsay ang pagbalik sa atong mga street vendors, subay sa kamanduan sa Department of Interior and Local Government", matod sa mayor.  (Jhon Tadlip/JTY)

(News & photos courtesy of Cebu City Public Information Office)