Gi-ablihan na sa Davao City LGU ang dugang nga duha ka bag-ong molecular laboratories ug swabbing sites dinhi sa dakbayan sa dabaw sa tumong nga mas mahimong paspas ug mas dali na ang pagpagawas ug resulta sa mga covid-19 test.
Kini mao ang Davao City Molecular Laboratory, Brokenshire Hospital ug Davao International Airport molecular lab nga muhatag ug dakong tabang alang sa pagproseso sa mga specimen.
Gipamahayag ni City Covid -19 Task Force Spokesperson Dr. Michelle Schlosser, muabot sa duha ka libo ka mga indibidwal kada-adlaw ang gina-test sa city government.
Ang nasangpit nga pag-abli sa mga bag-ong molecular laboratories ug swabbing sites dakong tabang sa mga indibiduwal nga dili na mo-byahe padulong sa downtown area aron nga magpailawom sa swab test.
(Source: City Information Office-Davao)
No comments:
Post a Comment