Cebu City - Misang-at ug kasong kriminal ug administratibo ang National Bureau of Investigation (NBI-7) ngadto sa Visayas Ombudsman Central Visayas batok sa walo ka mga opisyal sa Philippine Health Insurance Corporation (PhilHealth-7) ug unom ka mga personnel sa usa ka pribadong tambalanan sa Syudad sa Sugbo labot sa giingong iregularidad sa PhilHealth Claims.

Sa ilang report nga giduso ngadto kang Deputy Ombudsman for the Visayas Paul Elmer Clemente, ang NBI-CEVRO fact-finding team mi rekomenda sa pagpasaka ug kasong kriminal ug administratibo batok sa mga PhilHealth 7 officials ug personnel.

Gikiha sila si  Arlan Granali, acting regional vice president; Francis Javier M.D, division chief-HCDMC; Joan Tiu-Ayuson, medical specialist; Josette Bacalso, fiscal comptroller; Anecito Camahan Ramas Jr., social insurance  officer; Anthoneette Maamo, clerk; Nina Christine Lunday, social Insurance officer; ug Keneth Donalvo, social insurance officer.

Lakip sa mga respondents ang personnel sa Adventist Hospital-Cebu: Dr. Michelle Jay Francisco-Napigkit, atending physician; Cefriano Julian Jr., chief of Patient Business Department; Ma. Kenneth La Sage, clerk PhilHealth Section; Dicchel Grace Napigkit, billing clerk; Red Ford Gargarila, billing clerk; ug Romeo Rando Jr., registered nurse.

Ang NBI-7 misang-at ug kasong criminal batok sa mga respondents gumikan sa giingong kalapasan sa Anti-Graft and Corrupt Practices Act ug sa pasangil sa Malversation of Public Funds or property.

Misang-at sab ang ahensya ug kaso sa walo ka mga PhilHealth officials gumikan sa giingong dishonesty, neglect of duty, misconduct, inefficiency in the performance of official duties and conduct prejudicial to the service in violation of Executive Order No. 292 o  Revised Administrative Code of 1987.

Ang samang mga opisyal  ug personnel nag-atubang ug kalapasan sa R.A 6713 o ang Code of Conduct and Ethical Standards of Publics  Officials and Employees.

Nag-ugat ang reklamo sa imbestigasyon sa NBI gikan sa giingong " randomly forwarded and approved PhilHealth claim" sa Adventist Hospital, kansang medical case sa usa sa ilang mga pasyente nalakip.

Ang pasyente usa ka retiradong empleyado sa bangko, kinsa na admit sa maong hospital niadtong Mayo 27, 2020, human maka sinate ug ubo ug paglisod ug ginhawa.

Namatay ang pasyente usa ka adlaw human kini ma admit.

Apan matod pa sa alegasyon nga nang attending physician giingong mi issue ug lain cause of death sa pasyente- Covid pneumonia probable, severe.

Pero ang resulta sa antibody test , gi release pagka Mayo 27, 2021, nasuta nga negative sa Covid-19.

Alang sa NBI-7 usa kini ka upcasing o gihulagway nga "claiming of a related illness o procedure higher severity to gain higher benefit payment. (Jhon Tadlip/JTY)

(News & photo courtesy of National Bureau of Investigation-7)