Zamboanga del Sur - Tulo ang patay human naaksidente ang usa ka motorsiklo sa siot nga lugar sa Purok San Jose, Barangay Manicaan, Tabina, Zamboanga Del Sur kagabii.

Giila ang mga namatay nga silang Juven Glenn Olivar (driver) 24- antos; Glady Joyel 25-anyos (backrider) ug si Karl Jay Berdos, 21-anyos (backrider) nga usa ka residente sa Barangay Bayabaya sa naasoy nga lugar.

Sumala sa imbestigasyon sa Tabina Municipal Police Station Traffic Division, kusog kaayo nagpadagan ang mga biktima padulong sa Brgy. Manican sakay sa XRM 125 nga gimaniho ni Olivar sa dihang pag-abot sa bahada ug kurbadang dapit nga agi-anan nawad-an na kini'g kontrol ang driver og nangalagpot sila sa mga batohong dapit sa kilid sa kalsada.

Nakaangkon og mga samad sa lain-laing bahin sa kalawasan nga maong hinungdan sa mga biktima sa ilahang kamatayon.

Sumala sa mga imbestigador nakainom kuno ang mga driver ug usa sa angkas niini human nahitabo ang insidente.

(Source: ZDS-PPB, photo courtesy of Newslineph)