Gisunog sa New Peoples Army kon NPA an unom (6) ka mga backhoe nang alas 12 sa udto  nung Hulyo 15, 2021 didto na sa Sitio Kinalablaban, Brgy. Cagdianao, Claver, Surigao del Norte.

Sa inisyal nga imbestigasyon sa kapulisan sa Claver, upat (4) ka unit ubos sa CKDI contractor sanan duha sa Queens contractor an gisunog sa NPA sa pagpanguna ni alias Jacob sa Sandatahang Yunit Pampropaganda 16C GF16 nga diin 20 ka mga armadong NPA an miatake sa CAGA 3 Platinum Group Metals Corporation kon PGMC sa nahisgutang lugar.

Sumaya pa nga 40 kilometros an kalajuon gikan sa Claver Municipal Police Station pasingod sa nahitabuan. Waya pa masayri kung pila an kantidad sa nasunog nga mga ekipo.
(Mark James Lisondra, Ronda 21 RPN DXKS Surigao)