Cebu City - "While others spend every second of their life aggrandizing oneself, we take the high road by showing our trait of being a true Oponganon - we rise on our own merits and not by shamelessly building lies,"

Kini maoy giluwatan nga pamahayag ni Kongresista Paz Radaza sa Lone District sa Lapu-Lapu ug kanhi Mayor sa syudad isip tubag sa mga "palabtik" sa kasamtangan nga Mayor sa Dakbayan Junard Chan, atol sa iyang duha ka oras nga State of the City Address (SOCA) niadtong Hulyo 8, 2021.

"We refuse to dignify cheap desperation marked by spending every moment of office term for politicking as if every day is election day," mensahi ni Cong Paz Radaza nga gipatik sa iyang FB Post, Hulyo 9, 2021 o usa ka adlaw human sa SOCA ni Chan.

Alang kang Radaza nga dili lang kini maka paubos sa public service kon di insulto kini sa matag Oponganon; pero matod sa kanhi mayor nga moabot ra ang saktong higayon para tubagon niya ang mga iyang gihulagway nga pagpangilad sa katawhan.

Sa duha ka oras nga SOCA ni Chan iyang gipahibaw ang mga kalamboan sa syudad sud sa duha ka tuig ubos sa iyang administrasyon ug gikompara ang miaging administrasyon.

Wa hinoon gi mention ni Chan ang mga pangan o personalidad sa miaging administrasyon, pero iyang gihulagway nga nagduma sud sa 18 ka tuig.

Gibatbat ni Chan ang mga accomplishment sa iyang duha ka tuig nga naglakip sa pagpahuman sa phase 1 ug phase 2 sa City Hospital, pagpang hire ug mga medical experts ug pagbutang ug mga ekipo sa maong pasilidad.

Gipasigarbo sab sa mayor ang gidaghanon sa mga major ug minor operations sa maong tambalanan.

Gilakip sab niya ug higot ang mga road concreting projects ubos sa Ahong Bayanihan Cares ug uba pa.

Gihisgotan sab sa mayor ang mga lighting project ug solar panel nga gipang apod apod sa syudad ngadto sa ka islahan.

Wala sab kalimti niini ang Barangay Canjula/Reclamation Project, diin ibutang ang Socialized Housing alang sa mga informal settlers nga nanimoyo sa coastal barangay ug nahimutang sa peligro.

Kining tanan matod pa ni Chan nga wala mahimo sa iyang predecessors sud sa 18 ka tuig. (Jhon Tadlip)

(News & photos courtesy by Cong Paz Radaza | Mayor Junard Chan)