Cebu City - Gikompirma sa Cebu City Emergency Operations Center (EOC) nga dunay 132 ka mga Cebu City resident frontliners nga na infected sa Covid-19, Martes, Agosto 3, 2021.

Kini sila na assign sa 31 ka mga hospitals, medical clinics, facilities, laboratories sa Metro Cebu.

Gipang isolate na sila karon uban sa ilang close contact sa ilang workplace.

Gihulagway ni EOC deputy implementer Joel Garganera nga dako ug impact sa Covid-19 response effort sa syudad ang kaso sa 132 ka mga frontliners.

"That's a big dent to our medical force. I believe the transmission happens not in the course of their work but in their private moments with other people or co-workers, labi na sa tingkaon kay dili pwede ta mag facemask apilan pa gyud ug tabo sa kasao ug kaon," matod ni Garganera.

"Let us be mindful especially in this very challenging times," awhag sa konsehal.

Nanawagan na si Department of Health 7 Regional Director Jaime Bernadas ngadto sa mga bag-ong graduate sa nursing nga mo serbiyso sa pasyente nga nanginahanglan karon nga nag nihit na ang mga nurses sa mga tambalanan. (Jhon Tadlip)

(Source: Emergency Operations Center-Cebu City)