Nagpadayon pa ang ginahimong imbestigasyon sa Bureau of Fire Protection-GenSan sa hinungdan sa sunog nga milamoy sa usa ka residential house sa Barangay City Heights, ning adlaw'ng Domingo, August 8.
Una nang gikumpirma ni BFP fire investigator, SFO1 Filamer Acub, nga adunay narekober nga duha ka patay'ng lawas sulod sa naugdaw nga panimalay.
Base sa inisyal nga impormasyon, nailhan ang mga biktima nga mga foriegn missionaries ug anaa sa 50-60 anyos ang pangedaron.
Gibana-bana usab sa mga otoridad nga anaa sa ₱ 100,000 ang damyos sa maong sunog. Milungtad og 30 minutos ang pakig-kumbati sa mga bombero, ayha nadeklarang fire out ang kalayo.
(John Rey Somido, photo courtesy of Richard Casabuena Facebook account)
No comments:
Post a Comment