Cebu City - Nag overheat ang usa ka crematorium sa Dan Junquera, Syudad sa Sugbo  gumikan sa kadaghan sa mga gipang cremate.

Sa telephone interview sa DYKC Karambola Bisaya ang Security guard on duty nga na destino sa Cosmopolitan Funeral Homes Mandaue Branch mibutyag nga nasunog ang usa ka crematorium facility sa Junquera Branch gumikan sa pag overheat.

Matod ni SG De Los Santos nga gabii lang maka pahuway ang maong crematorium gumikan sa kadaghan nga gipang cremate.

Sigon pa niini nga daan nang daghan ang sunogon sa maong pasilidad, pero nisamot kini karon panahon sa Covid-19.

Gibutyag sa gwardya nga mo average sa lima ngadto sa unom ka lawas matag adlaw ang sunogon sa usa ka branch.

Kadtong mga namatay gumikan sa Covid-19, matod pa, i cremate dayon ug dili na isud sa storage facility.

Molanat ang proseso sa pagsunog duha ngadto sa tulo ka oras, depende sa gidak-on sa lawas.

Sagad sa mga Amerikano modagan ngadto sa tulo ka oras ang pag cremate gumikan sa gidak-on sa ilang built.

Ang regular nga lawas ma abo kini sud sa duha ka oras.

Dugang gibutyag sa watchman nga dili lang tawo ang gipang cremate duna say mga pet sa mga dato sama sa mga iro ug iring.

Daghan ang mga nanga matay dili lang sa Sugbo, apil na sab sa ubang lugar gumikan sa Covid-19 virus.

Misaka sab ang critical utilization rate sa mga  tambalanan sa Sugbo. (Jhon Tadlip) 

(Source: DYKC Bisaya phone interview sa SG on Duty sa usa ka Funeral Parlor, photos from the net (not actual photo, for illustration purposes only)