Iriga City - Yaon ngunian sa halangkaw na moral an mga kabuhan kan Iriga PNP matapos na makawikaw an honora asin pangaranan bilang most outstanding police station of the year sa Region V.

Ini an nagin reaksyon ni Deputy Chief of Police Lt. Bella Vergara Cereno, matapos na maka-olay kan Radyo Ronda, alagad pinagkokonsiderar ninda na dakulang challenge an naka-atubang sa nasabing honra.

Kasabay kaini, nagpasalamat an opisyal sa gabos na stakeholders sa pagsuporta sa man lain-lain na kampanya asin programa kan PNP na iyo an nagin basihan sa pag-pili kan outstanding police station of the year.

Pinasalamatan man ni Cereno an local na gobierno kan Iriga sa padagos kaining pagsuporta sa sainda tanganing magkaigua nin mga programa na ngunian inaadaptar naman kan ibang istasyon bilang mga best practices.

Sa ibong kan nasabing honra, magkapirang mga netizens an nagpa-abot kan saindang kahaputan kun kabali sa basihan iyo an pagkakaigua nin mga onsolves crimes sa sarong istasyon kun sain kabali sa mayo pa nin linaw iyo an kasong pambabadil gadan sa PB kan Nino Jesus asin iba pang magagabat na krimen na nangyari sa cuidad.
(Melvin F. Barayoga, RPN DZKI Iriga OIC, photo courtesy of Irigacps Facebook page)