Cebu City - Miluwat na ug Executive Order (EO) No. 38, si Cebu Governor Gwendolyn Garcia nga naglatid ug guidelines sa mga areas nga gibutang sa 'Modified Enhance Community Quarantine (MECQ) with heightened restrictions'.

Gipatuman ug ni epekto ang maong EO sugod kaganinang alas 12:01 sa kadlawon, Agosto 11, 2021.

Gumikan kini sa nagsaka nga risk classification sa mga syudad sa Talisay, Carcar ug Naga, apil na ang mga kalungsoran nga naglakip sa Minglanilla, Samboan, Sibonga, Argao, Cordova, Oslob, Liloan ug Consolaction.

Kini maoy hinungdan sa pagbutang sa maong 11 ka mga lugar ubos sa MECQ with heightened restrictions.

Basi sa Section 2 sa maong EO, dugang sa minimum health standards, ang tanang establishments, opisina, merkado ug publikong buhatan nga nag operate sa MECQ, kinahanglang magbutang ug Air purifiers with dunay high efficiency particulate air (HEPA) filter ug ionizers, with a capacity proportionate sa floor area sa establishment of office.

Gikinahanglan nga dunay regular nga pag limpio, disinfect ug pag sterilized ug Ultra Violet Germicidal Light homan sa business hours.

Sa maong EO gidili ang pag operate sa mga mosunod nga establishments: entertainment venues with live performance, recreational venues, amusements parks, outdoor sports courts, indoor sports courts, casinos, indoor/outdoor visitor or tourist attractions, outdoor tourist, venues for meetings, incentives, conferences and exhibitions, personal care services ug indoor dine in services.

Gi-istrikto sab sa lalawigan ang movement sa tanang tawo, ug limitado lang mga maka gawas kadtong mo access sa goods ug services gikan sa permitted establishments ug ubang activities nga gitugtan.

Ang public transportation gikinahanglan mosunod sab sa guidelines; tanang air-conditioned nga sakyanan kinahanglang ablihan (fully open) ang ilang mga bintana, ug magbutang ug air purifiers nga dunay HEPA filter proportionate sa area sa PUV, aron maka operate kini.

Kabahin sa age restriction, gidili nga maka gawas kadtong nag edad ug 15 anyos paubos ug kadtong 65 anyos pataas, lakip na kadtong mabdos, dunay comorbidities, gawas lang kung ang toyo labot sa goods ug services.

Gipatuman sab ang curfew gikan sa alas 10 sa gabii hangtud sa alas 5 sa buntag sa mga MECQ nga lugar.

Gidili sa maong quarantine classification ang pagtapok gawas sa panimalay, gawas sa lang kung alang kini sa may labot sa health service, government services, humanitarian activities nga gitugtan sa tukmang ahensya sa goberno.

Ang religious gathering kutob lang sa 10 porsyento sa capacity, hinoon mamahimong maka increase ang LGUs concerned hangtud sa 30 porsyento nga capacity.  (Jhon Tadlip)

(News & photos courtesy of Cebu Provincial Government)