Cebu City - Gihatagan ug bag-ong tahas ang mga kapolisan sa Syudad sa Sugbo alang sa pag pakgang sa "unauthorized burials" sa nagkalain-laing menteryo sa dakbayan.

Gibutyag ni Police Lieutenant Colonel Wilbert Parilla, deputy director for operations sa Cebu City Police Office nga nakadawat silag daghang report labot sa paglubong bisan kon kuwang kini permits ug ubang mga rekisitos nga gi-isyu gikan sa goberno.

Sa tinguha nga mapakgang ang nahisgutang practice, sigon pa ni Parilla nga gimandoan na ang mga hepe sa 11 ka police station sa syudad pag lakip sa ilang monitoring ang mga sam-ang.

Gisugdan na kagahapon, Biyernes, Agosto 6, ang deployment sa personnel pag monitor sa mga activities sud sa mga menteryo nga dool sa ilang jurisdiction.

Gipasabot ni Parilla nga risgo ang paghipos sa patayng lawas nga walay burial permit ug maka daut kini sa public heath labi na nga ang syudad ug ang tanang lugar Sugbo ubos pa sa pandemic.

Nagduda  ang opisyal nga kung tinood man kini nga gilubong sa mga menteryo nga way burial permits, kadto kining mga namatay diha sa ilang panimalay ug wala ma report sa City Health Department  nga maoy kabahin sa normal nga proseso.

Sa iyang bahin, si Police Major Janelito Marquez, hepe sa Labangon Police Station, mipahibaw nga naka deploy siya ug lima ka personnel lakip na ang intelligence officer, pag verify sa report labot sa giingong unauthorized burial sa ilang lugar.

Pero, matod pa wala sila maka dawat ug report nga dunay ingon ani nga gipahigayon sa kasamtangan sa Labangon Bliss Cemetery.

Nagkanayon si Marquez nga dunay samang mga report sa miaging tuig, pero wala pod kini mapamatud-i.

Niadtong Hulyo 27, si Konsehal Dave Tumulak mibutyag nga nakasinate na sila ug pagnihit sa espasyo sa mga lubnganan.

Kahinumduman nga sa miaging tuig diha unta toy giplano nga himoong menteryo sa Sitio Patayng yuta sa Barangay Sapangdaku apan wala kini madayon tungod kay niadtong higayona, medyo mi aksyon  naman ug ubos ang gidaghanon sa mga nangamatay , labi na ang Covid-19 death related.  (Jhon Tadlip) 

(Source: Cebu City Police Office, photo courtesy by Eiram Sirc Ayanac)