Cebu City - Mi-abot na ug pito ka mga pulis sa Police Regional Office-7 ang namatay sa Covid-19, pagka Martes, Agosto 17, 2021, homan nadugangan ug tulo sa miaging duha ka buwan.

Gibutyag ni Police Brigadier General Ronnie Montejo, PRO-7 nga gawas sa mga nanga matay, dunay 187 ka mga pulis sa kinatibuk-an ang nag positibo sa Covid-19.

Sa 187, ang 178 anaa sa isolation facility samtang ang siyam tua sa hospital hospital nagpa ayo.

"Kagabii naay nadugang nga 13 (active cases) pero naa sad tay naka recover nga 12," matod ni Montejo.

Karong lang buwana, namatay ang deputy station commander sa Asturias Police Station gumikan sa virus; sa wala pa kini mahitabo, laing pulis gikan sa Toledo City, matod ni Montejo ang nabiktima sa Covid-19.

Ning nagsaka nga positive cases sa mga kapolisan, gi-awhag ni Montejo ang mga police personnel sa Central Visayas nga magpa bakuna.

Nagkanayon si Montejo nga kung ang kapulisan dili pa ma accommodate sa mga local government units (LGU), diin sila ma assign, maka avail sila sa vaccination nga gi offer sa PRO-7 Headquarters ubos sa Department of Health Central Office.

Basi sa report, duna nay 5,410 ka mga pulis ubos sa PRO-7 ang nabakunahan.

Gipahibaw ni Police Lt. Colonel Marilou Aboloc, Regional Health Service (RHS-7) Chief, nga target nila nga mabakuna ug 300 ngadto sa 500 ka pulis kada adlaw.

Malaumon si Aboloc nga maka kab-ot sila ug 80 ngadto sa 90 porsyento sa kapolisan sa PRO-7 nga mabakunahan.

Aron sa paglikay sa daghan nga mag-abot, alang sa social distancing, matod ni Aboloc nga kadtong mga pulis nga magpa bakuna, kinahanglan ipa lista. (Jhon Tadlip Jr. )

(News & photo courtesy of PRO-7)