nakaangkon sa samad pinusilan ang usa ka CAFGU Active Auxiliary (CAA), sa nahitabong engkwentro sa militar ug rebelde, sa Barangay Fimagas, Katipunan, Zamboanga del Norte, kaniadtong Martes sa hapon. (August 10, 2021).

Milungtad sa 15 minutos nga panaggubat tali sa combined elements sa 44th IB, 42nd IB, ug 97th Infantry Battalion batok sa mga myembro sa communist terrorist group, nga miresulta sa pagka-igo sa Wala nga bahin sa tiyan sa maong CAFGU.

Matod pa ni Lt. Col. Manaros Boransing, Commanding Officer, sa 97IB.  "ang samaron nga CAA, gidala sa  ZANORTE Medical Hospital, kagahapon mga alas tres sa sayong kabuntagon, ug gipailawom sa blood transfusion, Samtang gahulat sa resulta sa iyang X-Ray,"

Isip pag-ila sa kontribusyon ug suporta sa CAA sa panahon sa operasyon sa batalyon, gipadali sa 97IB ang hangyo alang sa Kagitingan sa Barangay Award nga ipresentar sa samaran nga CAA.

Dugang mensahe ni Lt. Col. Boransing, nga ang mga communist terrorist group (CTG) wala'y lugar sa Zamboanga del Norte, ug ang Local Task Force to End Local Communist Armed Conflict (LTF ELCAC) sa Zamboanga del Norte dili mohunong ang mga combat operation sa probinsya, hangtod nga ang tanang mga armadong komunista nga terorista mosurender.

Matod pa, human makasinati og kadaot sa iyang kaugalingon ang samaran nga CAA, mipasalig gihapon Kini nga magsirbisyo sa Philippine Army ug tabangan ang mga sundalo sa panahon sa ilang operasyon sa pakigkombate batok sa mga Walhong pundok.

Dugang pa niya, nga Kaniadtong tuig 2020, nasamdan usab siya sa engkwentro tali sa 44IB ug mga CTG sa Gutalac, Zamboanga del Norte.

Nakita sa samaron nga CAA, ang dili maayong epekto sa terorismo sa komunidad, labi na sa iyang pamilya.  Busa nanumpa siya nga mag-alagad sa nasud ug motabang pagkab-ot sa kalinaw.

Kahibaloan nga kaniadtong Hulyo 30, duha palang kasemana ang nakalabay, ang tropa sa 97IB, naka-engkwentro usab ang dili matino nga gidaghanon sa mga CTGs ubos sa  GF-BBC ug Regional leadership sa Western Mindanao Regional Party Committee (WMRPC) samtang nagpahigayon sa combat operations sa  Sitio Kumangoy, Barangay Carupay, Katipunan, Zamboanga del Norte.  Apan Wala ray gikataho nga casualty sa pikas-pikas nga habig.

Gidayeg ni Brig. Gen. Leonel M. Nicolas, 102nd Infantry Brigade Commander, kinsa maoy operational jurisdiction sa Zamboanga Peninsula,  ang pagkamatinud-anon sa CAA sa iyang katungdanan ug gipasaligan sa heneral nga hatagan siya sa militar sa tanang gikinahanglang tabang.

Dugang pa ni Brigadier General Nicolas, nga "Nagsugod na kami sa pagkab-ot sa kadaogan sa panagsangka batok sa Communist Terrorist Cell BBC sa WMRPC nga sa dugay na nga panahon naglikay ug nagtago-tago sa among pwersa,".

Samtang sa kabahin ni Maj. Gen. Gene M. Ponio, 1st Infantry Tabak Division commander, kinsa maoy kasamtangang commander sa JTF ZAMPELAN, nagmando sa 44IB, 42IB, ug 97IB nga ipadayon ang operasyon hangtod sa hingpit nga pag-neyalisar sa mga communist terrorist group sa probinsya sa Zamboanga del Norte.

"Ang among mga tropa, padayon nga naghatud sa mahinungdanong nahimo sa pagpakunhod sa armadong katakus sa CTG pinaagi sa serye sa mga engkwentro,".  "Sa ingon, giawhag nako ang tanan nga ipadayon ang suporta, sa among pag-paningkamot sa pagpahiuli sa kalinaw, dili lamang sa Zamboanga del Norte kundili sa tibuuk nga isla sa Mindanao.  Panapos Major Gen Ponio.

Sa pagkakaron ang tropa sa 97th Infantry Battalion, padayon sa gihimong hot pursuit operations batok sa naka-ikyas nga mga myembro sa communist terrorist group.

(Source: 1st INFANTRY TABAK DIVISION, photo courtesy of Team Tabak Facebook page)