LUNGSOD QUEZON (PIA)—Kinumpirma ni Commission on Higher Education (CHED) Chairperson Prospero "Popoy" De Vera na pinayagan nang mag-limited face-to-face classes ang 21,000 estudyante at mahigit sa 1,000 guro sa kolehiyo.
Bukod sa kursong medicine at allied health sciences, pinalawig pa ang limited face-to-face classes sa mga kursong engineering, technology, hospitality, hotel and restaurant management, tourism, travel management, marine engineering at marine transportation.
Ayon kay De Vera, 11 degree programs at 181 na mga pamantasan ang nasiyasat ng CHED, Department of Health (DOH) at lokal na pamahalaan upang masigurong ligtas ang gagawing pagbubukas ng klase.
"Iyong 181 schools na iyan, ang total number of degree programs na pinayagan nang mag-limited face-to- face ay 301 as of last couple of weeks," dagdag pa ni De Vera.
Mataas din ayon kay De Vera ang vaccination rate ng mga education personnel sapagkat bawat pamantasan ay tinutukan ng CHED.
"As far as higher education personnel is concerned, ito ay report galing sa 1,488 universities and colleges in the country, 73% of higher education personnel ay vaccinated na," sabi ni De Vera.
Hinihikayat ni De Vera ang lahat ng kawani, guro, administrator at mag-aaral sa kolehiyo na magpabakuna. (MBP/PIA-IDPD)
WordPress.com
No comments:
Post a Comment