PAG-ILA sa dagkong tahas sa mga barangay opisyal ug mga boluntaryo sa pagsiguro nga ang paghatod sa gobyerno sa mga batakang serbisyo makaabot bisan niadtong nagpuyo sa lagyong mga dapit ilabi na sa panahon sa krisis ug kalamidad, si presidential candidate Ferdinand 'Bongbong' Marcos Jr. nipasalig sa liboan ka mga ehekutibo sa barangay atol sa pagtapos sa semana nga ang ilang mga panginahanglan ug kabalaka hatagan og prayoridad kung siya mapili sa gikatakda nga Mayo 9 nga eleksyon.

Si Marcos mihimo sa saad atol sa iyang pakigpulong sa 3rd membership assembly sa Liga ng mga Barangay sa Pilipinas nga gipahigayon sa SMX Convention sa Pasay City, diin siya usab miingon nga ubos sa pagpangulo sa UniTeam, ang patas nga oportunidad ug pagtagad ihatag ngadto sa lebel sa barangay. .

"Bisan unsa pa ka nindot ug unsa ka maayo ang serbisyo nga gihatag sa nasudnong kagamhanan kung dili (tungod sa maayong liderato) sa mga opisyal sa barangay, dili kana mabati sa katawhan. Kay kamo (mga opisyal sa barangay) ang nagdala gikan sa Manila ngadto sa inyong mga barangay," matud niya.

"Kamo ang nakaatubang sa mga tawo. Wala mo nakabati og katapusan sa semana, walay Sabado, walay Domingo, walay holiday, walay bagyo, kung kinahanglan mo, mogawas mo ug motabang. Mao kana ang among gihunahuna nga labing importanteng bahin sa atong gobyerno.' Kinahanglang ilhon ang trabaho sa opisyal sa barangay," dugang niya.

Matud ni Marcos nga siya ug ang iyang running-mate nga si Inday Sara Duterte, nakasabot sa mga problema ug kalisdanan sa lokal nga kagamhanan tungod kay silang duha nakaserbisyo na sa ilang mga probinsya isip mga lokal nga opisyal.

"Kung hatagan ta ug kahigayonan nga makalingkod, kaning pagpaduol, pagpatas sa nasudnong kagamhanan ug lokal nga kagamhanan, ang pag-ila sa atong mga opisyal sa barangay, ang kabililhon sa inyong trabaho nga para sa atong gobyerno ug sa katawhan kanunay namong hinumdoman ug nasabtan namo sa among kasinatian isip mga opisyal sa lokal nga gobyerno, "dugang niya.

"Ang inyong mga naagian, palihog laomi ninyo, duna moy kaalyado namong duha ni Inday Sara," deklara ni Marcos.

Iyang gisubli ang panginahanglan sa nasudnong kagamhanan sa pagpaminaw sa mga sugyot ug rekomendasyon sa barangay ug lokal nga mga opisyal aron matubag ang tanang problema sa ilang mga lokalidad.

Gihisgutan usab ni Marcos nga mas makabenepisyo ang mga barangay sa Mandanas Ruling ug gipasaligan sila nga dili manghilabot ang nasudnong kagamhanan ug tugotan sila sa pagdeterminar sa labing maayong mga programa alang sa ilang tagsa-tagsa ka lokalidad gamit ang dugang pundo nga ilang madawat gikan sa Internal Revenue Allocation (IRA) nga bahin.

Iya usab nga gipahibalo ang iyang plano nga lugwayan ang termino sa mga opisyal sa barangay kay maglisod sila sa paghuman sa ilang mga proyekto ug programa ubos sa 3 ka tuig nga gitakdang panahon.

"Kung tan-awon ninyo, sukad atong gilugwayan ang eleksyon sa barangay, kapin kon kulang sa kasagaran lima ka tuig na nga bagsak sa termino sa mga opisyal sa barangay. Mao nga imbes nga magsige nalang ta og lugway dili masayran ang kahimtang ninyo, ilisdan na nato ang lagda himuon natong lima ka tuig ang termino sa mga opisyal sa barangay," matud ni Marcos sa nagngulob nga pag-uyon sa bagang duot sa katawhan.

Nipasalig usab siya nga mohatag og mga benepisyo sama sa paghimo og iskolar alang sa ilang mga anak ug health insurance nga gihatag sa mga opisyal sa barangay nga nalatid sa Local Government Code, apan taud-taud na nga nalangan tungod sa kakulang sa pundo.

"Usa pa kana nga among gihunahuna ug dugay na namong gihisgutan sa UniTeam, atong mga senador kauban si Inday Sara," matud niya.

Laing proyekto nga iyang gusto alang sa barangay mao ang paghatag og honorarium sa mga boluntaryo nga nagkugi usab sa paghatag og serbisyo publiko.

"Among gihuna-huna nga angayan na namong ipormal ug ibutang sa balaod ang Local Government Code, atong ibutang nga ang atong mga boluntaryo, sa ilang trabaho, kinahanglan hatagan na og honorarium kay kabalo ta unsa ka importante ang ilang gibuhat," matud ni Marcos.

Nagpasalamat si Marcos sa 2,700 ka mga delegado sa barangay sa pag-abiabi kaniya isip bisita sa ilang kalihokan.

Mokabat sa 120 ka presidente sa Liga ng barangay gikan sa Aparri hangtod sa Jolo, pinangulohan ni national president Eden Chua, ang nipadayag sa ilang suporta sa kandidatura sa UniTeam.

Gawas kang Marcos, nitambong sab si Sara atol sa sesyon sa buntag. Mitambong usab sa maong asembliya ang mga hanay sa senador sa UniTeam nga sila si Gibo Teodoro ug Sherwin Gatchalian.