Si Carlo Aquino at si Trina Candaza ay nagkasama sa birthday party ng kanilang anak na si Mithi na dalawang taong gulang na, ilang buwan matapos kumpirmahin ng aktor ang kanilang hiwalayan.
Sa Instagram at Facebook page ng caterer na Honey Glaze Cakes ay makikita ang ilang larawan ni Mithi kasama ang kanyang mga magulang.
"Happy 2nd Birthday Mithi. You are well loved (emojis) Thank you for celebrating with us through the years."
Sa Instagram Stories naman ni Trina nitong Sept. 7 ay ibinahagi nito ang video ng pagkanta nila ng birthday song at tinulungan ang kanilang anak na hipan ang kanyang mga kandila.
Ipinakita rin ni Charisse Tinio ng Nice Print Photography ang mga sandali mula sa pagdiriwang ng kaarawan sa pamamagitan ng kanyang Instagram page.
Sa isang Instagram video ay makikita si Carlo na nakikipaglaro kay Mithi sa isang inflatable slide; gayundin sa pag-pose kasama sina Mithi at Trina.
Kinumpirma ni Carlo noong Abril na naghiwalay na sila ni Trina noong nakaraang taon. Sinabi rin niya na nagko-co-parenting sila ni Trina sa kanilang anak mula nang maghiwalay sila.
Basahin: 'Pagsamo' cover ni Carlo Aquino, para kay Trina Candaza nga ba?
Naging usap-usapan sa pagsisimula ng taon ang diumano'y hiwalayan ng Kapamilya actor at ng partner nito sa kabila ng pagkakaroon nila ng anak.
Nag-post sa TikTok ang aktor na umaawit ng 'Pagsamo', isang heartbreaking song, at ang tanong ng mga netizens, para kay Trina kaya ang kantang iyon?
Buwan ng Abril nang kumpirmahin ni Carlo na naghiwalay na nga sila ni Trina ngunit nananatili umanong priority niya si Mithi.
Noong Enero 2019 sila naging couple at nagkaroon ng baby Mithi noong Setyembre ng 2020.
No comments:
Post a Comment