Natatandaan mo ba ang mga lugar na pinapasyalan mo noon? Sa loob ng ilang dekada, naging malaking parte ng buhay ng maraming Pilipino ang Harrison Plaza.
Sa social media, marami pa rin ang nakatatanda kung gaano kasikat ang shopping area na ito noong mga panahong kaunti pa lamang ang shopping mall na mapupuntahan.
"Diyan nagsisimba ang family namin tapos kakain sa I Am Hungry sa tabi ng Rustans Supermarket. Then sa Magnolia at Goldilocks. At may nagpe-perform na singers diyan noon. Last na punta namin noong December 2019 closing na nakakalungkot," pagbabahagi ni A. Tabones.
"Mas masarap pumunta sa Harrison Plaza kaysa sa ibang malls ngayon. Sa Harrison Plaza, mayroon talagang mga bench na mauupuan mo. 'Di tulad ngayon na bihira ka lang makakita ng bench. Iilan lang, maliit pa," ani C. M. Araneta.
"Bata pa kaming magpipinsan nang mamasyal kami riyan. Ang eldest ay 16 years old, ang youngest ay six years old. Nanonood at kumakain kami, then 'pag kinulang pamasahe pauwi, naglalakad kami pauwi from Harrison to Sta. Ana. Ang saya noong kabataan namin 'pag naaalala ko," pagbabalik-tanaw ni S. M. Capayas.
"Malawak at may tambayan sa gitna. Masasaya ang memories namin diyan ng kapatid kong nasa heaven na," kuwento ni J. Cabanes.
Wika naman ni T. Espeña, "Gone but not forgotten."
Agad na pumatok sa mga Pinoy ang Harrison Plaza nang buksan ito noong 1976. Naging paborito ito ng marami, hindi lamang bilang isang pamilihan ngunit bilang isa rin pasyalan para sa mga magkakapamilya, magkakaibigan, magkakasintahan, at iba pang mga taong gustong maglibang at sulitin ang panahong hindi sila masyadong abala.
Matapos ang mahigit apat na dekada, ang HP ay tuluyan nang isinarado noong 2019 at idinemolish na upang magbigay-daan sa isang proyekto ng SM Prime Holdings.
Naging bahagi rin ba ng buhay mo ang Harrison Plaza? Ibahagi ang iyong mga kuwentong Harrison sa comments section!
No comments:
Post a Comment