Dati silang magkakasama sa showbiz ngunit ngayon ay nasa ibang landas - o career path - na ang kasintahan ni Sue Ramirez na si Javi Benitez at nagkataong nasa LDR pa sila ngayon.
Kasalukuyang nasa United States si Sue para sa isang concert tour kung saan siya ay magge-guest.
Nag-post ang aktres sa Instagram upang ipahayag ang kanyang pananabik sa kanyang kasintahan na abala naman sa kanyang mga tungkulin bilang alkalde ng Victorias City sa Negros Occidental.
Ang 27-anyos na si Benitez ay nagkaroon ng acting roles sa iba't ibang programa ng Kapamilya Network at nahalal sa unang pagkakataon bilang alkalde noong Halalan 2022.
Pagbabahagi ni Ramirez sa IG, "Through whatever", kalakip ang ilan nilang larawan na magkayakap. Dagdag pa ng 26-anyos na aktres, "Ang akon palangga. Missing you extra special today."
Tumugon naman dito ang alkalde, "Miss you extra extra special today my love."
Ang celebrity couple ay unang nagkalapit noong unang bahagi ng 2020 matapos nilang bumida sa action flick na "Kid Alpha One."kasama sina Tonton Gutierrez, Madeleine Humphries, Joross Gamboa, Jeffrey Tam, Ian Ignacio, Juan Rodrigo, Paolo Paraiso, at Marella Torre (anak ni Joel Torre), sa ilalim ng direksyon ni Richard Somes.
Taong 2021, Setyembre, nang sila ay naging opisyal nang couple. Ipinagdiwang nila ang kanilang unang anibersaryo noong Setyembre 2021.
Sa nakalipas na dalawang taon, lalong naging open ang dalawa tungkol sa kanilang relasyon. Kapansin-pansing kasama ang aktres sa pamilya ng alkalde nang manumpa ito bilang alkalde ng Victorias City noong Hunyo.
Kilig naman ang hatid ni Ramirez sa isang Hotspot episode na mapapanood sa YouTube. Ibinahagi niya dito ang ilang truths sa kanilang relasyon ni Benitez. 'Bagay sila', ang naging komento naman ng netizens.
Basahin: Sue Ramirez may witty response sa basher
Sa ilang larawan kung saan nakasuot si Ramirez ng two-piece swimsuit na kuha habang nagbabakasyon siya sa Amanpulo ay hindi maitatanggi ang fit body ng aktres kaya naman pinuri siya ng ilang kapwa celebrity.
Gayunpaman ay hindi pa rin nakaligtas si Ramirez sa mga basher, gaya na lamang ng komento ng isang netizen na pinuna ang kaniyang pagiging flat chested.
"Kaya pala sabi niya minsan hindi siya nagsusuot ng bra. Now I know. Plywood pala 'to, back to back," komento ng isang netizen na sinamahan pa n'ya ng laughing faces with tears emoji.
Sa halip na mapikon ay pabiro pa itong sinagot ni Ramirez na tila sinasabing kung hindi mo naman kailangang magsuot ng bra ay 'wag na, dahil dagdag labahin lang ito. 
No comments:
Post a Comment