Sa gitna ng mga pagsubok sa mundo, mga intriga at kontrobeysiya sa showbiz man o politika, nakapagpapasaya sa mga netizens ang makabalita ng masasaya at sweet na pangyayari.
Imbes na mga hiwalayan at kaliwaan, mas ninanais siyempre ng karamihan na ang mundo ay mapuno ng pag-ibig at pagkakaisa, pagtutulungan at good vibes lang.
Kaya naman hindi nakapagtatakang humakot ng pansin at naghatid ng kilig ang ilang videos sa TikTok kung saan ay ibinahagi ni "Roize Royal" (@roize1318) ang mga videos ng lambingan at sweet moments ng sikat na couple na sina Senador Manny Pacquiao at ng asawa nitong si Jinkee Pacquiao.
Tulad ng mga longtime couples sa showbiz na hinangaan ng publiko dahil sa matibay na pagsasama, umaasa ang marami na ganoon din ang patutunguhan ng Pambansang kamao at ng kanyang maybahay na mahigit dalawang dekada nang kasal.
Sa TikTok video na umani na ng mahigit 4.1 million views at halos 209K likes ay mapapanood ang mag-asawa na may candid moments. Tila may binubulong si Sen. Manny habang nakangiti sa asawa na busy naman sa pag-scroll sa kanyang cellphone.
May background music pang "Kiss Me" ah. Napahalik tuloy si Jinkee sa kanyang mister.
Sa isa pang video ay mapapanood naman silang nagsasayaw sa saliw ng Always Remember Us This Way ni Lady Gaga. Tila nasa isang hotel sila na may live band at may mga kasama sila.
May 2.1 million plus namang views ang video kung saan ay makikitang tila nag-eensayo sa boksing si Manny at humingi pa ng pampaganang halik mula sa kanyang asawa. Naroon din si Dyan Castillejo na sports reporter at dating tennis player.
Bumuhos ang reaksiyon at mga komento ng mga netizens na natutuwa sa kanilang sweetness:
"Dapat ganyan, habang nagkaka edad lalong nagmamahalan."
"Sana all… sana makatagpo rin ako ng lalaking ganito."
"Ang sweet ni PacMan, ang ganda ni Jinkee!" at may nagpahabol pa ng "True love exists."
"Mga tinginang gigil ah hahaha. Baka Manny 'yan."
May nag-joke din sa sofa video na tila may binubulong si senador sa butihing misis.
"Manny: Anong gusto mong bagong bag jinkee." LOL
Ang 43-anyos na celebrity at icon sa larangan ng boksing ay ikinasal kay Jinkee taong 199 at may lima silang anak, sina Emmanuel 'Jimuel' Jr, Michael, Mary Divine Grace, Israel, at Queen Elizabeth.
No comments:
Post a Comment