Nahaharap ngayon sa patong-patong na reklamo ang sexy actress na si Barbie Imperial dahil sa isinampa laban sa kaniya ni Debbie Garcia.
Matatandaang naging usap-usapan kamakailan ang diumano'y engkuwentro ng dalawang aktres na nangyari sa loob ng Tipsy Pig Gastropub sa may Timog Avenue, Quezon City, madaling-araw noong nakaraang Biyernes, Oktubre 28.
Imahe mula sa Facebook
Ayon sa lumabas na ulat, tatlong reklamo ang isinampa ni Debbie na kinabibilangan ng slight physical injuries, grave oral defamation at grave slander laban kay Barbie sa Quezon City Prosecutor's Office noong nakaraang Miyerkules, Nobyembre 2.
Nahagip pa ng CCTV ng bar ang diumano'y komprontasyon ng dalawa na nagsimula nang magpaalam si Debbie sa kaniyang grupo na aalis na siya. Ito raw ay nauwi sa murahan, sigawan at sakitan na natigil lamang nang may mamagitang ilang lalaki sa bar.
Hindi naman matukoy pa kung ano ang naging ugat ng alitan ng dalawang aktres subalit marami ang naniniwalang ito ay may kinalaman kay Diego Loyzaga.
Si Diego ang dating boyfriend ni Barbie at isa umano sa kaniyang pinagseselosan noon ay si Debbie. Nalaman raw ni Barbie na minsan ay nakipag-date si Debbie kay Diego noong magkarelasyon pa sila.
BASAHIN: Dahil kay Diego? Barbie Imperial, Debbie Garcia nagkasakitan umano sa isang bar sa QC
Samantala, naglabas naman ng pahayag ang Viva Artists Agency (VAA) para suportahan ang kanilang talent na si Debbie kaugnay nga sa insidente at reklamong isinampa ng aktres.
Screenshot mula sa Instagram
"VAA therefore fully supports its artist, Debbie Garcia, in taking legal action against her attacker in an incident of violence last October 28, 2022 (Friday) at a gastropub in Quezon City. Debbie is set to lodge a complaint against the other person with the assistance of her counsel on November 2, 2022 (Wednesday)," ayon sa pahayag ng Viva.
Bagama't hindi pinangalanan ng Viva si Barbie sa kanilang pahayag, naniniwala umano ito na ang kanilang talent (Debbie) ang naagrabiyado sa insidente.
Imahe mula sa Facebook
Nakiusap din ang Viva sa publiko na itigil na ang pagpapakalat ng video ng insidente hangga't hindi pa nareresolba ang isyu.
Hanggang nitong Huwebes, Nobyembre 3, hindi pa rin naglalabas ng pahayag ang kampo naman ni Barbie Imperial para sagutin ang mga alegasyon laban sa kaniya.
No comments:
Post a Comment