Sari-saring ispekulasyon ang umusbong dahil sa tila biglang 'pagkawala' ni Angel Locsin na halos tatlong buwan na ring walang update sa kaniyang social media accounts.
Magugunitang noong Hunyo pa tumulak patungong Spain si Angel kasama ang kaniyang mister na si Neil Arce para magbakasyon doon.
Ang pinakahuling update ng Kapamilya aktres sa kaniyang Instagram ay noon pang Agosto kung saan ibinahagi nito ang ilang lugar na kanilang pinasyalan sa Espanya at hindi na ito nasundan pa.
Sa Instagram naman ni Neil, nitong Oktubre 21 pa ang kaniyang huling post subalit para mag-promote lamang ng isang concert. Wala naman itong nabanggit tungkol sa kaniyang asawa.
Dahil dito, karamihan ng mga komento sa post ni Neil ay naghahanap kay Angel at nagtatanong kung bakit hindi nagpaparamdam ang kaniyang misis sa social media.
Screesnhot mula sa Instagram
"#FindingAngel is the official hashtag for November. I hope ur okay and safe ate," ayon sa isang follower.
Mayroon namang naghihinalang baka hiwalay na ang mag-asawa o kaya ay maaaring buntis si Angel at nais munang lumayo sa toxic na social media.
Subalit dahil nga katatapos lang ng Bagyong Paeng na nanalasa sa bansa noong isang linggo, hindi maiwasan ng iba na hanapin ang aktres na isa sa gumanap sa papel na 'Darna' noon at tumatak sa mga manonood.
Screesnhot mula sa Instagram
Isa kasi si Angel sa mga celebrities na mabilis magpadala ng tulong sa mga kababayan natin sa oras ng kalamidad o sakuna.
"Pag ganitong sakuna alam ko po nangunguna po kau sa pagtulong sana wag Po kau mpagod sa pag tulong salamat po," komento ng isang netizen.
Screesnhot mula sa Instagram
"Ms ANGEL, PLS HELP US HERE IN ZAMBOANGA CITY. BINABAHA NAPO LAHAT NG AREAS DAHIL SA BAGYONG PAENG. PLEASE HELP US PO USING YOUR PLARFORMS. WE NEED RESCUE TEAMS AND GOODS LIKE CLOTHES AND FOOD. THANK YOU PO!!!" saad naman ng isang naghahanap kay 'Darna'.
Marami naman ang umaasang sana ay maayos ang kalagayan ng kanilang idolo at wala itong anumang pinagdadaanang problema sa pagitan nila ni Neil. Sana nga raw ay nagpapahinga lang talaga ito at magpaparamdam na sa mga darating na araw.
No comments:
Post a Comment