Tila tinanggal na ni Sarah Geronimo ang kaniyang viral post sa Instagram kung saan humihingi siya ng kapatawaran sa kaniyang mga magulang.
Sa hindi pa malamang dahilan, hindi na ito makikita pa sa Instagram page ng Popstar Princess ilang araw lang matapos itong mag-viral sa social media.
Screenshot mula sa Instagram
Sa nasabing post, nagpasalamat at humingi ng tawad ang singer-actress sa kaniyang pamilya at mga mahal sa buhay.
BASAHIN: Sarah Geronimo nag-sorry sa mga magulang: 'Araw-araw ko po kayo nami-miss at naiisip'
"Hindi ko po ito madalas gawin dahil gusto ko po mapanatiling pribado ang aking personal na buhay pero pinipili ko pong kunin ang pagkakataon na ito para pasalamatan ang Diyos, ang aking pamilya, at ang aming mga furbabies para sa inspirasyon na patuloy na maging malakas, masaya, at mapagmahal sa buhay ano mang hirap o pagsubok ang aking harapin," saad ni Sarah.
"Gusto ko rin kunin ang pagkakataon na ito, sa paraan din na ito.. na humingi ng tawad sa aking pamilya na labis na nasaktan sa aking mga naging desisyon sa buhay. Patawad po," dagdag pa nito.
Mahal na mahal niya umano ang kaniyang daddy at mama at araw-araw niya silang nami-miss at naiisip.
"Sa aking mga magulang.. walang hanggan po ang pasasalamat ko para sa buhay na ibinigay niyo sa akin, sa aming magkakapatid. Lahat ng suporta at pag-aaruga..ang inyong walang katumbas na pagmamahal, walang sino man ang pwedeng makapagpunan po nito," wika pa ni Sarah.
Imahe mula sa Facebook
Hindi naman malinaw kung bakit biglang nawala sa Instagram ni Sarah ang kaniyang viral na post para sa kaniyang Mommy Divine at Daddy Delfin.
Magugunitang naging kontrobersiyal ang pagpapakasal ng Popstar sa kaniyang mister na si Matteo Guidicelli noong February 2020 dahil bukod sa biglaan ito ay mukhang inilihim pa ng magkasintahan sa magulang ni Sarah.
Dahil dito, nagkaroon ng lamat ang relasyon ng singer-actress sa kaniyang mga magulang bagama't sinusubukan umano ni Sarah na matanggap na ng kaniyang pamilya si Matteo bilang kaniyang asawa.
Samantala, bagama't wala na ang nasabing post sa Instagram ng Popstar royalty, mababasa pa naman ito sa kaniyang fan page sa Twitter.
No comments:
Post a Comment