Naiintriga ang mga netizens sa pinakabagong post ni Alexa Ilacad na tila may pinatatamaan matapos madawit sa isyung diumano'y pang-iisnab nila kay Tuesday Vargas.
Matatandaang nag-post sa Facebook si Tuesday tungkol sa umano'y pang-iisnab sa kaniya ng dalawang baguhang artista kahit pa binati na niya ang mga ito sa isang event kamakailan.
Bagama't hindi pinangalanan ng komedyante ang sinasabing dalawang newbies at binura na rin niya ang naturang post, may mga lumabas na ulat na ang kaniyang tinutukoy ay ang loveteam na sina KD Estrada at Alexa Ilacad.
Wala pang inilalabas na pahayag ang mga kampo nina KD at Alexa tungkol dito subalit binigyang-malisya naman ng ilang netizens ang Instagram post ng aktres nitong Martes lamang.
Nagbahagi kasi si Alexa ng kaniyang kaakit-akit na selfie pero maintrigang caption na: "Kung may problema ka sa akin, GRABE!! ang ganda naman ng problema mo. Char."
Maraming followers naman kaagad ang pumuri sa kagandahan ng dating Pinoy Big Brother (PBB) housemates habang may ilan namang nagsabi na hayaan na lamang at huwag pansinin ang kaniyang mga bashers at haters.
Nagpaliwanag din ang Kapamilya actress na nagbibiro lamang siya at wala siyang ibig ipakahulugan sa kaniyang caption dahil nabasa lamang niya ito sa Facebook.
"For the people who are turning this into something it isn't - quote lang po yan na nakita ko sa fb at tawang-tawa talaga ako," ayon kay Alexa sa comment section.
"Kaya nga po may "char" kasi nagbibiro lang po ako na ang ganda ko. Wag na po kayo mag overthink ng kung ano-ano kasi masstress lang po kayo…have a great day!" dagdag pa nito.
Samantala, ibinahagi naman ni Tuesday sa Twitter na tumawag na sa kaniya ang road manager (RM) ng dalawang bagets na tinutukoy niya at humingi na rin umano ito ng paumanhin.
"Huwag na kayong mag away away at mag butangan sa soc med kung sino ang tama at mali at wala naman kayo doon nung nangyari yun. Ang mahalaga we are shedding light on this issue. Kami lahat di kami perpektong mga tao at bilang Ate nila ay nagsalita ako upang maayos na sa susunod," saad ng isang tweet ng komedyante.
No comments:
Post a Comment