Noong araw ay wala sa hinagap ng mga tao na sila ay darating sa panahon ng mga appliances na makabago dahil sa teknolohiya. Kabilang sa mga nakagawian nang gawain noon ay ang paglalaba ng mga damit at iba pa na ginagawa nang mano-mano, sa ilog man, sa may balon o sa may poso.
Isang major major na intindihin ang paglalaba noon dahil talagang umuubos ito ng oras at lakas. Mga kamay, braso at balikat mo naman talaga'y mapapasabak sa kuskusan at pagpiga.
Kaya naman naghatid ng kaaliwan at napa-throwback ang maraming netizens sa isang nakatutuwang larawan na nagpabalik sa mga online users sa kanilang 'labada days' ilang dekada nang pabalik.
Klasik istayl ng paglalaba
Sa Facebook ay naghatid ng kaaliwan ang ibinahaging larawan ng netizen na si Czar Aryan. Aniya sa kanyang caption, "labada starter pack'.
Makikita dito ang poso, ang klasik na palanggana o batyang tansan kung tawagin namin, isang pares na bakya, palo-palo at ilang bareta ng sabon at sabong pulbos na panlaba. At siyempre, ang pinakamahalaga sa starter pack -- ang transistor radio!
Dahil maraming oras ang ginugugol sa mano-manong paglalaba, malaking tulong ang pakikinig ng musika o drama, o kahit balita, sa radyong mahiwaga na ginagamitan pa namin noon ng ilang baterya para madala kahit saan.
Sinang-ayunan naman ito ng mga miyembro ng Nostalgia Philippines na napabalik tuloy sa nakaraan at nagbigay din ng kanilang karagdagang aytem para sa klasik na 'starter pack'. May nagpaalala ng 'Liwayway gawgaw at sipit, oxalic at chlorox, DIY na bangkito; pati na rin ang sinisindihang alhambrang mahaba. hahaha Parang kulang ang senaryo kapag hindi kumpleto ang 'starter pack'?
Napabalik-tanaw tuloy ang marami.
Miss ko ito ang sarap maglaba noong araw habang nakikinig ako ng drama sa radyo.
Ganyan noon araw ang paglalaba sa batis or sapa kasi, kaya dala na lahat, na experience ko din iyan, noong maliliit pa kami kasama kami ng inay.
Ang simple lang ng buhay noon....ngayon aligaga ang lahat....bakit kaya?
Yung mga O. G. Na sipit ng sampayan brother Czar Aryan (emojis) lagyan mo na din ng sarong, pantapis ng naglalaba sa batis
Saka pala bro, mini upuan(bangko) yung upuan ng nanay habang apura sa kusot yung DIY na gawa sa hoyka hehehe
May nakaalala rin kay Maxima Labandera, ang karakter sa sumikat na komersyal ng Ajax.
No comments:
Post a Comment