Ibinahagi ni Trina Candaza na may mga natatanggap siyang mensahe mula sa mga kapwa babae na nagtatanong kung paano siya nagkaroon ng lakas ng loob na umalis sa relasyon nila ng dating partner na si Carlo Aquino.
Ani Trina sa isang panayam ni Ogie Diaz, sinubukan niya pang ayusin ang relasyon nila ng aktor dahil gusto niyang bigyan ng kumpletong pamilya ang anak ngunit hindi niya na rin kinaya.
Dagdag niya pa, ayaw niyang lumaki ang anak na nakikita siyang malungkot dahil alam niyang maaapektuhan din si Mithi.
"Ako, nakapag-decide ako umalis kasi tiningnan ko si Mithi tapos sabi ko, deserve ba ni Mithi yung ganitong version ko na malungkot, hindi masayang nanay? Kasi it will also affect my daughter kasi makikita niya 'yun eh. Hindi masaya 'yung nanay ko, laging malungkot, laging negative. Kaya sabi ko, kailangan ko nang ayusin ang sarili ko. Ayokong lumaki si Mithi na ganito ang nakikita niya sa nanay niya, ayoko siyang maging ganito," pahayag ni Trina.
Payo niya naman sa mga single mom, lakasan ang kanilang loob dahil sa kanila rin kukuha ng lakas ang kanilang mga anak.
"Message ko lang sa lahat ng single moms, kung nahihirapan kayo minsang magdesisyon kung ano ba ang tama, tingnan n'yo lang yung anak nyo, makakapag-desisyon kayo nang tama. And lakasan n'yo lang yung loob n'yo kasi sa inyo lang din kukuha ng lakas yung mga anak nyo kasi kayo yung laging magkasama."
Hindi niya rin napigilan ang luha nang tanungin kung ano ang mensahe niya sa anak. "If ever mapanood niya, sana maintindihan niya 'tong interview na 'to and sana ma-appreciate ni Mithi 'yung efforts ko para mabigyan siya ng magandang future saka 'yung pagprotekta ko sa kaniya."
Inusisa rin siya ni Ogie kung bukas ba siyang magmahal muli.
"Pinagdadasal ko 'yan, Mama Ogs. Sabi ko talaga kung hindi para sa akin 'yung lalaki, 'wag ko nang ma-meet. 'Wag nang mapunta sa buhay ko kasi ayoko na ng heartbreak."
Panoorin:
No comments:
Post a Comment