Napabalik-tanaw ang netizens na naka-relate sa isang post na ibinahagi sa Nostalgia Philippines Facebook page kamakailan.
Makikita kasi sa larawang ibinahagi ang mga mag-aaral na nakapiring ang mga mata habang tumitipa sa keys ng makinilya sa paaralan. Ganoon umano ang eksamin sa asignaturang Typing noong araw. Mastery ang hinahabol sa mga mag-aaral; isang training na kapag nagawa mo nang tama ang pagtitipa nang hindi ka nakatitig sa mga letra ng makinilya ay isang skill na.
Kung ka-dekada ka ng mga 90s pababa, maaalala mo marahil na may mga tinatawag na typing exercises at typing lessons kung saan ay itinuturo din kalaunan ang pagmamakinilya ng mga liham pang-tanggapan o korespondensiya opisyal.
Bahagi na ng klase ang paglilibot ng mga guro noon na kadalasan ay may hawak na ruler o maliit na patpat para 'pampitik' sa mga estudyanteng naliligaw ang daliri o kaya'y gumagamit ng 'tuldok system' kung tawagin. hahaha Opo, relate ako diyan.
Ayon kay ka-NP Popoy Peros, "Ang hirap ng exam nuon sa typing, nakapiring. Hindi ko inabot ang ganyan pero nag makinilya ako professionally nuong 1998 gamit ang "tuldok system" ika nga at natuto lang akong gumamit ng computer year 2005 na, buti nakahabol pa."
Maraming napabalik-tanaw sa panahong ang mga tiklado pa ng makinilya ang gamit. Naging asignatura ito sa maraming kurso noon at maging sa high school ay itinuro na rin bilang isang skill na mapakikinabangan.
"Inabot ko yan (laugh emojis) pawis n pawis ako sa subject na yan."
"That's the way it was in high school in the 70's. That's so correct."
"Yung nakaka antok na tunog ng type writer. "
"Inabot ko to 1995. Sobrang terror ng prof ko sa typing. lol"
""The quick brown fox jumps over the lazy dog" Ang final exam, dapat walang mali. "
May mga nagpasalamat naman sa training na naranasan sa kanilang naging guro. Marami ring kababayan sa ibang bansa ang napakinabangan ang kahusayan sa pagmamakinilya na kalaunan ay unti-unting nag-transition sa computers.
"I Remembered my college days. 1996 1st year 1st sem typing subject. Di man ako magaling noon sa subject na yan... Naging steppingstone ko naman para matututong magcomputer. Wala mang nagturo sa akin well I must say marunong Naman ako ngayon... Noon lecture lecture lzng ang turo tapos nagbayad kmi ng lab. Yung computer room Nako display lang nun. 
"
"Kaya ko pa rin kahit nakapikit. Magaling teacher namin nuon sa typing class."
"Ang type writer na yan ang nakatulong sa akin, kumikitang kabuhayan sa mga napapatype ng mga incomplete projects nila."
"Hindi namang ganyan s PUP Sta Mesa... Natuto nman and I could type @65wpm."
"1968-1972 PCC (now PUP) we were never blindfolded in any typing class. our eyes were focused on the paper being copied not on the keys. you are sure that your fingers are on the right keys from the start by placing your left index finger on "F" and right index finger on "J" (you would feel the embossed marks, like a hyphen symbol on those letters not present on other keys) they are called rest keys."
Kaway kaway sa mga daliring labis ang husay sa pagtipa!
No comments:
Post a Comment