Masipag at mabait na security guard ng bakery-café resto sa mall, naghatid ng inspirasyon

Joyce Sazon

Mar 5

Sa dami ng mabibigat na pinagdadaanan ng marami sa atin, lubhang nakapagpapagaan ng damdamin kapag may kabutihan tayong nakikita sa paligid.

Kaya naman good vibes ang hatid at heartwarming ang kuwento ng isang netizen tungkol sa isang security guard na pumukaw umano ng kanyang pansin sa isang sikat na bakery-café restaurant sa loob ng isang mall.

Ayon kay Mike Portes, isang web & graphic designer, napuna niya ang isang security guard sa French Baker Philippines sa SM Mall of Asia (MOA) na bukod sa pagbabantay at pagganap sa tungkulin bilang sekyu ay kakikitaan ito ng malasakit sa mga senior citizen na customers at maagap ding tumutulong sa paglilinis ng mga mesang ginamit ng mga diners.

Hindi napigilan ni Portes ang sarili na humanga sa kabutihan nito at kasipagan.

Aniya sa kanyang ibinida sa social media, "I sent a PM to The French Baker Philippines FB page to commend their SG on duty at their SM Mall of Asia (MOA) branch. It's not the responsibility of the SG to clean tables and care for pax but there he was, diligently attending to the full load of dine in pax – not just clearing the tables and serving service water but CARING for seniors as well! Just look at the smiles of the 2 seniors in the pics!"

Hindi naman ito bahagi ng kanyang katungkulan ngunit mabilis niyang inaaksiyunan ang sa tingin niya'y nararapat.

Pagpapatuloy ni Portes, "Oh, he doesn't neglect his SG duties as well. I witnessed his quick eye on an item left by a pax which he immediately turned over to management."

Maliksi rin pala si Kuyang guard! Pero hindi pa riyan nagtatapos ang kuwento ni Portes.

Dagdag pa nito, "But wait, there's MORE! I asked the manager if I can hand him a 'little appreciation' for his efforts, so I did. When we left our table, we saw him approach the manager to hand over the tip! Masipag na, mabait pa!"

"I hope that he is valued by the security agency and the #FrenchBaker branch for his efforts. His name is Noel Medina. Thank you for being an inspiration!"

Tunay nga naman naghahatid ng inspirasyon si SG Medina. Sa post ni Portes sa Definitely Filipino FB page ay may mga nagpatunay na mabait at mabuting tao itong ating bida.

"Totoo mabait si Kuya Noel he's always talking to my father and asking him if he's okey everytime we go there a loving and caring security keep up Kuya "