Kitang-kita ang saya sa mukha ng vlogger na si Cong Velasquez, o mas kilala bilang si 'Cong TV', matapos matanggap ang regalong binili para sa kaniya ng partner na si Viy Cortez.
Sa video na ibinahagi ni Viy sa kaniyang You Tube channel, makikita rito na nagmistulang isang bata si Cong TV na nakatanggap ng mamahaling regalo na matagal na niyang inaasam.
Isa lang naman kasi itong motorsiklo na nagkakahalaga ng halos P2-M.
Batay sa kuwento ni Viy sa kaniyang vlog, sinurpresa niya ang kaniyang partner dahil matagal na raw siyang kinukulit nito at nagpapaalam para makabili ng bagong big bike.
Binili ni Viy ang motorsiklo sa kompanyang dati niyang pinapasukan kaya tuwang-tuwa rin ang mga dati niyang katrabaho dahil muli silang nagkita-kita.
Ibinahagi rin ni Viy sa Instagram ang larawan ni Cong TV kasama ang bago nitong 'laruan'.
"May baby na tayo pero be-baby-hin pa din kita i love you! Regalo ko kay cong uploaded na sa yt!" ayon sa caption ng kaniyang post.
Samantala, napa-'sana all' na lang ang mga followers nina Viy Cortez at Cong TV na kilala rin bilang kasama sa Team Payaman.
Narito ang ilan sa mga comments ng netizens:
"Nasasampal na naman ako ng kahirapan haha sanaol hahahaha pag satin di nagpapabola si Lord hahahaha unfair hahahaha."
"Grabeeeeee.. ganun ka kayaman, kakabili lang ng burgman bumili agad ng goldwing. Hahahhaahahaha,"
"Ngiting tagumpay si @thecongtv."
"Mapapa sana all ka na lang talaga eh… deserve mo yan sir cong dugo't pawis."
"Boss swerty nyo po sa isat isa @teampayaman."
Sina Cong TV at Viy Cortez ay parehong kilala bilang mga sikat na vloggers at kapwa maraming followers sa kani-kanilang social media accounts at YT channel.
Sila ay mayroon nang anak na ang pangalan ay Zeus Emmanuel o kilala rin bilang si Baby Kidlat.
Samantala, panoorin ang buong video ni Viy kung saan makikita ang pagbili niya ng mamahaling motorbike para kay Cong TV:
No comments:
Post a Comment