[New post] Singsing pari na ‘nilalaro’ ng mga bata noon, dapat palang iwasan dahil sa toxins nito
Joyce Sazon posted: "May nakita akong singsing pari sa may pintuan ng bahay ng aking anak at manugang. At dahil may mga apo ay agad ko itong winalis ngunit kumapit ito sa aking gamit na walis tambo. Ipinagpag ko sa isang plastic na sisidlan at vinideohan dala ng kuryosidad ku" Definitely Filipino News
May nakita akong singsing pari sa may pintuan ng bahay ng aking anak at manugang. At dahil may mga apo ay agad ko itong winalis ngunit kumapit ito sa aking gamit na walis tambo. Ipinagpag ko sa isang plastic na sisidlan at vinideohan dala ng kuryosidad kung ito ba ay nangangagat dahil nga may dalawang akong paslit na apo.
Napabalik-tanaw din ako sa panahon ng aking kabataan kung saan nilalaro ito ng mga kababata kong lalaki. Sa pagse-search sa social media, nakita ko ang ilang post kaugnay sa singsing pari.
Tiktok video ni @yurichrish
Una kong nakita ang TikTok video ni @yurichrish kung saan ay makikita ang isang kamay na may tatlong singsing pari. Ganoong-ganoon sa ginagawa ng mga kalaro ko noon. Walang takot nila itong hinahawakan. Hinihipan nila ito at bigla itong bibilog na parang singsing.
Sunod kong nakita ang Facebook post at isang FB reel ni Dr. Richard Mata na nagbibigay ng babala kaugnay sa toxins na inilalabas ng singsing pari bilang depensa umano.
Ang Singsing Pari (o millipede) ay isang arthropod na may mahigit dalawangpung paa (20 o mahigit pa). Ito pala ay may dala ring panganib sa ating katawan?
Sa post ni Dr. Mata ay ibinahagi nito na ang millipede ay nagre-release daw ng toxin mula sa katawan nito na posibleng magdulot ng allergy o pagkapaso sa ating balat. Dagdag pa niya, millipede burn ang tawag dito.
Ibinahagi rin niya ang larawan ng paa ng isang batang tinapakan umano ang millepede at tila nasunog ang itsura sa talampakan nito.
Aniya, "Ito po ay totoo. Yung baby ay tinapakan niya ang Millipede at ganito ang nangyari sa paa niya. Di alam ng marami ay nagrerelease ng toxin sa katawan nito na pwede maka allergy o makapaso sa balat ng tao known as "Millipede Burn". Salamat na lang at naging okay na ang bata.
Nagbigay din siya ng mga tagubilin kung sakaling mangyari ito sa netizens na makababasa ng kanyang post.
1. Wash with soap and water immediately 2. Avoid touching your eyes baka sa mata mapunta 3. You can apply cold compress to lessen the reaction. 4. Pwedeng magtake ng antihistamine gaya ng Cetirizine 5. Kung mukhang allergic reaction like namumula, you can apply Hydrocortisone cream. Aloe vera gel pwede ring gamitin. 6. If parang burn talaga, you can apply antibacterial cream or ointment like Mupirocin. 7. Dalhin sa hospital kung di tumitigil ang iyak, sobrang kate o matamlay.
Image via Wikipedia (The child put on her shoe and crushed the millipede which had crawled into her shoe the night before.)
Bumuhos ang mahigit 17K na komento sa post ng doktor. Marami kasing naka-relate at nakaranas ng millipede burn. May nagbahagi ng kanilang karanasan at ilang larawan bilang patunay.
Marami ding napabalik-tanaw na nilalaro nila ito noon at hinahawakan pa; sabay pasasalamat na hindi sila nakaranas ng 'millipede burn'. Tinawag din iton tren-tren ng iba at may mga nagsabi rin na may mas malaking uri ng millipede gaya ng ibinahaging larawan ni Remos Bulatin.
Well, lamang ang may alam. Sa patuloy na pagse-search ay tila yung mga naapakan o nadaganan ang nagdulot ng tinatawag na 'burns'. Sinuwerte lang siguro yung mga naglalaro niyan noon dahil hindi napisak ang mga singsing pari sa kanilang pagkakahawak kaya't walang kumatas na toxins? Well, iwasan na lang po natin. Scary din kasi yung mga naranasan ng iba sa comments section.
No comments:
Post a Comment