Grown-up na ang "mini-me" ng beauty queen-turned-actress na si Charlene Gonzales-Muhlach. Ngayong opisyal na nitong pinasok ang mundo ng pag-aartista matapos pumirma ng exclusive ng contract sa Viva Artists Agency, kabilang sa kanyang bucket list ang gumanap din sa Dyesebel na minsan ding ginampanan ng kanyang ina.
Ayon sa PUSH, ibinahagi ni Atasha kasama sa mga goal niya ngayong nasa showbiz na ang i-remake ang Dyesebel na ginawa ni Charlene noong 1990s.
"I would really love to do Dyesebel if I had the chance because that is something that I saw growing up and I used to think that my mom was a mermaid. And as a kid, I thought I'd eventually turn into one," pagbabahagi niya. "So, to be able to experience a role like that would be truly an honor."
Kuwento ni Atasha, ipinakikita raw sa kanya ni Charlene ang ilan sa mga larawan nito bilang Dyesebel at paniwalang-paniwala daw siyang may lahi silang mermaid. Viva rin ang nag-produce ng Dyesebel kaya hindi naman imposible kung ire-remake ito at makokonsidera siya.
Ngunit kahit anak ng celebrity couple na sina Charlene at Aga o pagiging bahagi ng Muhlach clan, gusto raw patunayan ni Atasha na kaya rin niyang magsimula at pagtrabahuhan ang pagkakaroon ng sariling pangalan sa industriya.
"I want to be someone who's very hard working and who's willing to try new things and explore different opportunities," wika niya.
Samantala, naibahagi rin ni Atasha na madalas siyang masabihan na batang bersyon ni Charlene at ikinatutuwa niya raw talaga ito.
"It's very flattering because I find my mom very beautiful. And I think she's very beautiful inside and out. And it just feels really nice and really good," saad niya.
Hindi rin naman daw nagtatampo si Aga kahit mas madalas siyang inihahalintulad sa ina.
"He's okay with it because of course he admires my mom. And the funny thing is, he's very happy about it," sabi ni Atasha.
No comments:
Post a Comment