Iisa lamang daw ang kinahahantungan ng lahat; iba iba nga lamang ng panahon. Una una lang 'yan, sabi nga ng mga nakatatanda. Pero pinaghahandaan ba ito ng lahat? Dapat bang paghandaan?
Sa isang Facebook post ay ibinahagi ng isang anak ang ilang kaganapan sa buhay ng kanilang ama nang ang huli ay maospital. Sa pamamagitan ng ilang larawan ay ipinakita niya ang mga huling araw ng kanilang padre de pamilya nang ito ay dinala nila sa pagamutan para maialis ang tubig nito sa baga.
Salaysay ni Shirley Santos-Azur, "This was Tatay's first admission pictures at PDMC. Salamat sa Dios sa Doctor niya dito kasi ramdam namin yung lingap ng Dios sa amin dahil sa kaniya. This might flood your feed and will be long. Pero I'm saving and sharing this for future reference na din ng mga anak at pamangkin ko 
And might be helpful to you in anyway."
Dito ay ipinakita niya ang ilang naganap mula sa admission hanggang sa confinement at pagsasagawa ng Thoracentesis sa kanilang ama at sa nakagugulat na dami ng tubig na nakuha mula sa lungs nito.
May mga naka-relate at nakaalala sa kanilang kaanak na dumaan din sa ganoong treatment para maalis ang tubig sa lungs. Nakalulula ang natanggal na likido sa baga.
"Ganyang ganyan din sakit ng tatay ko, tinanggal yung water sa lungs kasi nahihirapan siyang huminga hanggang bumigay din katawan nya mga ilang araw lang sya sa hospital," pagbabahagi ng isang nagkomento.
Samantala, isang larawan ang higit na humaplos sa puso at nakaantig sa mga netizens. Sa katunayan, mahigit 18K ang nag-share nito at mahigit 1,600 ang nagkomento.
Dito ay isinalaysay ni Shirley ang kuwento sa likod ng larawan na iyon kung saan ay makikita ang isang nakaplastic na kasuootan at may nakasulat ditong "Pamburol ko." Kapansin-pansin din ang naka-frame na larawan ng ama.
Aniya, "Yung hahanapan ko ng damit si Tatay para sa hospital tapos eto ung bumungad sakin pag-open ko ng drawer niya. "Hindi ko alam ang feeling ko ng makita ko yan pero naisip ko ang galing ni Tatay kasi naghahanda na siya."
Nagpahayag ng pakikiramay ang marami at hinangaan ang pagiging handa ni Tatay sa huling yugto ng kanyang buhay. Ayon sa ilang netizens, napakaresponsable ng kanilang ama.
"Mahal na mahal kayong tunay ng Tatay ninyo. Ayaw na ayaw niya kayong pag alalahanin."
"So responsible. Tunay n mahal kayo at ayaw nang mahirapan o mamroblema just in case."
Tila naging paalala rin ito na mas mainam na maging handa tayo lalo na siguro kung nasa maselang edad na tayo ng ating buhay. Nabanggit din ng ilan ang kahalagahan ng insurance at memorial plans.
Sa isa pang post ay pinasalamatan ni Shirley ang namayapa nilang ama na si Godofredo Santos na namaalam noong Setyembre 5 sa edad na 71 dahil sa karamdaman.
Nagpasalamat si Shirley sa Diyos sa mga aral na itinuro ng kanilang ama. Dagdag pa niya, "Salamat sa Diyos Tatay Fred Santos. Salamat sa Dios at napakabuti mong Ama sa aming magkakapatid.. Salamat sa Dios sa pagiging maalalahanin, mapagbigay, mabuting tao, at higit sa lahat Pogi!"
Salamat sa pagbabahagi at sa paalalang hatid ng inyong ama.
Eternal rest be unto you, Tatay Fred.
No comments:
Post a Comment