Miambak na sa 6,587 ang natala nga Covid-19 cases sa General Santos City human madugang ang 56 nga bagong mga pasyente.

Base sa July 14 tracker bulletin sa Department of Health, gikan sa kinatibukang ihap, anaa sa 581 ang gikonsiderang active patients.

Samtang, gikumpirma sa DOH ang 5,795 nga total recoveries sa siyudad, lakip na ang 64 nga new survivors.

Natala usab sa GenSan ang duha nga dugang ihap sa nakabsan sa kinabuhi gumikan sa pandemiya, diin gilangkuban sa 48 years old ug 38 years old nga parehong babaeng pasyente.

Anaa na karon sa 211 ang Covid-19 deaths sa siyudad. (John Rey Somido)