Cebu City - Bisan pa man sa ka hugot ug ka istrikto nga pagpatuman sa Basic Health protocols apan nataptan gihapon ang mayor sa Syudad sa Ormoc, Leyte, nga sa silingan ug dool ra sa Sugbo.

Gibutyag ni Mayor Richard Gomez, Sabado, Hulyo 17,2021, nga nag positibo siya sa SAR-CoV-2, ang virus nga hinungdan sa respiratory illness nga COVID-19.

Giangkon ni Gomez nga nakasinate kini ug mild symptoms.

Matod sa mayor nga nadawat niya ang positive result kagahapon, Biyernes.

"I tested positive for Covid. It could be my exposure from multiple people because of work I do as mayor. But I will be ok. I need a lot of rest and will have to be in isolation until I'm better," matod sa mayor.

Sigon pa ni Gomez nga mild ang symptoms ug manageable ra.

Nagkanayon ang mayor nga mobalik ra dayon siya ug trabaho sa higayon sa higayon nga duna nay clearance sa Doktor.

Giawhag niya ang tanan nga mag vigilant ug mag amping.

Sa kasamtangan, ang nasud dunay kapin sa 48,480 ka mga kaso sa Covid-19 hangtud sa pagka Biyernes.

Ang Syudad sa Ormoc dunay 169 ka mga active nga mga kaso, basi sa Department of Health COVID-19 tracker.

Nahimutang ang Ormoc atbang sa Probinsya sa Sugbo ug pipila lang ka oras ang pagbyahe padung sa isla sa Camotes nga sakop sa Sugbo.

Gani sa miaging pipila ka semana, nagtagbo pa si Cebu Governor Gwendolyn Garcia ug ang magtiayong Gomez sa Ormoc sa pag bisita sa nauna sa syudad. (Jhon Tadlip Jr.)

(News & photo courtesy of Ormoc City Public Information Office | Richard Gomez Facebook account)