Pinaigetan ti gobierno probinsial ti panangipaay ti "food pack" kadagiti naka-lockdown a lugar.

Segun ken ni Gob. Matthew Marcos Manotoc, daytoy ti rason a dandanin maibus dagiti food pack ti probinsia nupay maikarkarigatan a masukatan.

Mainaig iti daytoy, impadanon ti gobernador ti napalaus a panagyamanna iti regional office ti Department of Social Welfare and Development a mangsupsupusup iti pagkurkurangan ti probinsia.

Inlawlawagna nga umad-adu nga umad-adu ti maibunbunong gapu ta umad-adu dagiti mailock-lockdown a lugar.

Kabayatanna, inpakaammo ti gobernador a naammoanna ken ni Dr. Lourdes Otayza, medical center chief ti Mariano Marcos Mem. Hospital and Medical Center a nadanonen iti "critical risk" iti pakaseknan ti bed Ma. Occupancy" ti hospital.

Innayonna a daytoy ket gapu ta dimmanonen iti nasursuruk ngem walopulo ket lima a porsiento ti naokuparan kadagiti pasiente.
(Cita Macalipis, RPN DZRL Batac Correspondent)

(Source: Provincial Government of Ilocos Norte)