Nakatakda na matod pang madawat karong bulan sa Agusto ang dugay nang gihulat nga usbaw sa suhulan sa mga  job order nurses ug doktor sa Dr. Jorge P. Royeca Hospital.

Matod pa ni DJPRH department head, Glenville Gonzalez, sa karon gimadali na nila ang proseso aron hingpit nang mapatuman ang bagong salary scale sa mga job order employees karong August 15.

Lakip sa makadawat og usbaw sa suhulan ang mga nurses, medical specialists ug medical officers sa maong government-run hospital.

Aminado ang opisyal nga gumikan sa kagamay sa suweldo ug benepisyo, ubay-ubay nang mga job order nurses ang ming-resign sa ilahang trabaho sa DJPRH.

Sa kasamtangan, adunay 97 job order nurses  ang Dr. Jorge P. Royeca Hospital ug anaa sa kapin 30  ang regular employees. (John Rey Somido, photo courtesy of GenSan LGU)