Nakiusap ang isang guro sa mga magulang na gabayan nila ang kanilang mga anak matapos magbahagi ang kapwa guro niya ng hindi magandang karanasan sa isang mag-aaral.
Nagbahagi si Sherwin San Miguel ng screenshot ng post ng isang hindi pinangalanang guro na walang kamalay-malay na nakuhanan na pala ng larawan ng kaniyang mag-aaral at nai-post sa Facebook stories.
Naglabas ng kaniyang sama ng loob ang gurong ito dahil pakiramdam niya ay nabastos siya sa ginawang ito ng isang Grade 11 student.
Kuwento niya, habang nagtuturo siya ay isang estudyante ang nagsabi sa kaniyang naka-post na pala ang larawan niya sa Facebook stories. Marami na rin daw ang nakakita nito.
"Yung nagdi-discuss ka. Ginagawa mo nang maayos trabaho mo, tapos biglang may magsasabi sayo na estudyante mo na nama My Day ka na raw at ang dami nang views and react," sabi ng guro sa isang post sa Facebook group na DepED Tambayan.
Aniya pa, wala naman siyang ibang ipinakita kundi kabutihan para sa kaniyang mga mag-aaral kaya ikinalungkot niya ito.
"Iba na talaga mga kabataan ngayon. Ang hirap unawain, Mabait ka naman sa klase nila. Wala kang binabastos o ipinapahiya pero yan pa ang sukli sa akin ng isa sa kanila."
Panawagan naman ni teacher Sherwin, sana ay disiplinahin ng mga magulang ang kanilang mga anak. Naglabas din siya ng saloobin sa mga estudyanteng hindi naglalaan ng panahon upang gawin ang mga takdang-aralin.
"Mga magulang sana nakikita niyo to. Kaninang umaga, isa lang ang nagpasa ng assignment na ibinigay ko, isang linggo ang nakalipas. Sa isang section pito lang ang nagpasa. Bakit ganun?" sabi ng guro sa kaniyang post.
"Yung sinabi nung teacher sa post 'wala kang binabastos at ipinahihiya pero ito ang sukli sakin,' ang sakit sakit makabasa nito bilang isang guro! Sana disiplinahin niyo ang mga anak n'yo. Pakiusap," dagdag niya pa.
No comments:
Post a Comment