Marami sa mga ina ang nabibigla o kaya'y nagagalit kapag nalamang nagdadalantao ang anak, lalo na kung menor de edad pa lamang at hindi pa handa sa ganoong responsibilidad. Sila kasi ay namomroblema pag bumuo ka na ng pamilya ngunit hindi mo pa kayang buhayin.
Ngunit sa kaso ng nanay na ito ay naging emosyonal siya nang malamang buntis na ang kanyang anak na nasa wastong gulang naman na at may asawa.
Inakala ni Mommy Cacai na makatatanggap siya ng advance na regalo para sa kaarawan mula sa kanyang anak.
"Mama, advance happy birthday!" sambit ng anak na babae na si Chellian Villena-Relativo sa video habang iniaabot ang isang mini paper bag.
Noong una, nakita ni Mommy Cacai ang isang onesie na pang sanggol sa loob ng bag. 'What is this?" tanong niya sa anak.
Mayroon pa raw laman ang gift bag, sabi ng kanyang anak. Nakita niya ang dalawang pregnancy test result na may dalawang linya at nasasabik na humingi ng kumpirmasyon na buntis na nga ang anak.
"You're pregnant na? Seryoso? Talaga?" aniya habang napaiyak na lamang sa tuwa.
Ayon kay Mommy Cacai, naging emosyonal siya dahil matagal na niyang gustong magkaapo mula nang ikinasal ang kanyang anak.
"I wasn't expecting it na may ganung surprise. Kasi actually, we are really praying talaga, pinagsisimba ko siya. Sabik na rin ako magka-apo. So hanggang ngayon naiiyak ako kapag naiisip ko siya. Alam mo 'yung sobrang sobrang thankful talaga kasi answered prayer talaga siya," aniya sa 'The Philippine Star.'
"Medyo risky na sa kanya 'yung pregnancy dahil diabetic siya at the age of 27. She's my only daughter. 'Yung youngest ko is lalaki and he's a special child. So parang na kay Chellian na lang talaga 'yung chance ko na magkaka-apo ako," dagdag pa niya.
Ayon kay Chellian, hindi rin niya inaasahan ang naging reaksyon ng kanyang ina sa kanyang baby announcement.
Na-touch naman ang mga netizens sa priceless na reaksyon ni Mommy Cacai.
"Sana lahat ng nanay ganyan kapag nalamang buntis anak nila."
"Ako na isusumpa ng nanay ko pag nalamang buntis ako HAHAHAHAHA."
"Nasa edad na ko pero gusto ko ganito din maging reaction ng mama ko someday."
"Ganyan din po ang naramdaman ko nong nagbuntis ang anak ko. Super saya, lalo na nung nanganak anak ko sobrang saya, buhay ko ang mga apo ko."
Watch and be blessed!
No comments:
Post a Comment