Bukod sa mga pagkain, exchange gifts, performances, at parlor games, isa sa mga tunay na inaabangan tuwing may Christmas party sa isang organisasyon, opisina, o trabaho ay ang pa-raffle. Kadalasan, ang mga inilalahok sa raffle ay appliances, iba't ibang gamit o kasangkapan, Noche Buena package, o cash.
Kaya naman marami ang nawindang sa ulat tungkol sa kakaibang raffle na ginanap sa Christmas party ng mga miyembro ng isang asosasyon para sa industriya ng funeral service, kung saan ang mga ipinamigay ay mga kabaong, marble urn, at formalin!
Ayon kay "Tita Kei" na nagsilbing event host ng Christmas party na isinagawa sa Las Piñas City, noong una raw ay inakala niyang ang ibig sabihin ng "PMA" kung saan siya raraket bilang host ay Philippine Military Academy. Ganoon na lamang ang gulat niya nang malamang ito ay Philippine Mortuary Association, dahil hindi raw niya naisip na may organisasyon pala ang funeral industry.
Mas lalong naloka si Tita Kei nang mapag-alamang ipapa-raffle sa mga miyembro ang siyam na ataul daw, 20 marble urn, at formaldehyde o formalin. Hindi rin naman "puchu-puchu" o chipipay ang halaga ng bawat isang kabaong, dahil aabot daw ito sa ₱44,000 hanggang ₱3 milyon!
Ayon sa ulat ng Balita Online, sa tagal na raw ng pagtatrabaho bilang event host, ngayon lamang daw nakaranas si Tita Kei na magpa-raffle ng mga kabaong, urn, at formalin sa isang Christmas party. Isa pala itong 3-araw na convention at nang matapos ang convention, dito na naganap ang Christmas party.
Mapapanood sa TikTok ni Tita Kei ang paglabas ng iba't ibang kabaong na may ribbon pa! Umabot na sa mahigit 330K ang views nito.
Inulan naman ito ng iba't ibang komento mula sa mga netizen. Ang ilan, tila sila pa ang namroblema kung saang bahagi ng bahay ilalagay o itatago ng mga nabunot sa raffle ang kanilang napanalunang kabaong.
"Paano 'to dadalhin sa bahay?"
"Puwede naman, gawing peace offering sa kagalit o kaaway para magkaroon ng katahimikan..."
"Sa kultura nating mga Pilipino, hindi angkop ang ganiyan, lalo't tingin natin sa kamatayan ay napakalungkot na pangyayari..."
"Ah... taga funeral industry naman pala hahaha."
"Why not? Practicality wise!"
"Para sa katahimikan na yata ito hahahaha."
Ikaw, bet mo bang makatanggap ng ganitong klaseng raffle prize sa Pasko? hahaha
No comments:
Post a Comment