Inireklamo umano ng mga vendor ang araw-araw na shooting ng aktor-direktor na si Coco Martin para sa teleserye na " FPJ's Batang Quiapo".
Sa pinakahuling episode ng "Ogie Diaz Showbiz Update," nakausap din ng talent manager si Coco Martin tungkol sa napabalitang reklamo ng ilang nagbebenta sa Quiapo.
Sinabi ni Ogie na naaapektuhan na ang benta ng mga vendor dahil sa napaulat na patuloy na pagsu-shoot sa lugar.
"Dear FPJ Batang Quiapo! kung mag-shooting kayo 'wag naman araw-araw. Bumababa sales nain 'pag nanjan kayo eh. Hayssttt Coco hanggang kelan na naman kayo 'tong palabas mo?" pahayag ng isang vendor na ibinahagi ni Mama Loi sa Showbiz Update nila ni Ogie.
Basahin: Coco Martin sumabak na sa taping ng 'Batang Quiapo'; nakiisa rin sa pista ng Black Nazarene
Dahil dito, nanawagan si Ogie sa ABS-CBN at nagbigay ng pahayag sa publiko tungkol sa pitong taong panunungkulan ni Coco Martin sa kanyang dating teleserye, ang FPJ's Ang Probinsyano.
Ang kanyang bagong palabas ay ang paggawa ng mga sequence sa Quiapo, ang pampublikong pamilihan ng Maynila at iba pang mga lokasyon.
"Baka pwede itong solusyunan ng ABS-CBN at kanilang production staff para hindi makaapekto sa mga pang-araw araw na kabuhayan itong shooting," saad ng talent manager sa kanyang vlog.
"Kasi nga naman pagka- ganoon, hindi ka na mamimili manonood ka na lang ng shooting o ng taping. Naku Coco, baka naman magawan ng paraan 'yan ah," dagdag pa ni Ogie, na nanawagan sa aktor.
Mula nang mag-umpisa ang palabas noong Pebrero 13, naging hit ang seryeng 'FPJ Batang Quiapo'. Tuwing gabi, isa ito sa mga pinakaaabangan na programa ngayon sa telebisyon.
Basahin: Miles Ocampo trending sa pilot episode ng 'Batang Quiapo', pinuri ng netizens
Nag-trending naman ang pilot episode, at ang pagganap ni Miles Ocampo bilang batang si Cherry Pie Picache kaya ikinatuwa at pinuri naman siya ng netizens, kasama na ang kanyang mga kapwa performer at iba pang kasama sa serye.
Ang serye ay isang pagpupugay sa yumaong aktor na si Fernando Poe Jr. (FPJ), isang maalamat na Pilipinong aktor at filmmaker na kilala sa kanyang pagganap sa magigiting na mga karakter.
Panoorin:
No comments:
Post a Comment