Trending ngayon ang 'Dirty Linen' dahil sa ganda ng takbo ng kuwento at galing sa pag-arte ng mga artistang kabilang dito gaya nina Janine Gutierrez, Tessie Tomas, John Arcilla, Joel Torre, Janice de Belen, Epy Quizon at marami pang iba.
Dahil dito, hindi maiwasang mapag-usapan sa social media ang bagong Kapamilya teleserye at may kanya-kanya ngang opinion ang bawat isa tungkol sa 'Dirty Linen'.
Kabilang na dito ang beteranong TV host at talent manager na si Ogie Diaz na idinaan sa tweet ang kaniyang saloobin hinggil sa isang artista sa teleserye na 'tamad daw umarte'.
"Mata-sa-mata acting ang uso sa "Dirty Linen", banat ni Ogie sa Twitter nitong Miyerkules, Pebrero 1.
"Merong isang artista doon, tamad umarte. Pag umarte naman, bigay todo, halata ang effort. Hindi naka-in character," dagdag pa ng showpiz personality.
Kaniya-kaniya namang hula ang mga netizens kung sino ang tinutukoy ni Ogie sa kaniyang tweet.
May mga nagsabing hindi kaya si Seth Fedelin o si Francine Diaz, habang may nagsabi namang posibleng si Zanjoe Marudo ito.
Heto pa ang ilang komento:
"Baka nakuha nya yung acting style kay mama jonas gaffud, yung "know when to peak" chz."
"Yung Francine walang expression na kayang ilabas, parang na-Botox, pang-cute na role lang..."
"Kung si seth parang wala pa naman sya big scene. Kung ung isa anak ni miss angel aquino kagabi nagulat ako sa kanyang emosyon!"
"Zanjoe. Parang mali ang casting sa kanya. Bukod sa antanda niya na sa role na yan. Parang anak na niya si Francine, at hinde kapatid. Talong talo ni Christian Bables, sana man lang nag workshop. Magaling pa umarte yung nag dj dun sa party."
May mga pumuri naman sa acting ng ibang artista sa 'Dirty Linen' gaya nina John Arcilla, Janice at Janine.
"D'Lo JOHN ARCHILLIA'S character is so amazing the way he give justice to it. 'yung tipong hayop na hayop sa kasamaan ng ugali pero pag dating sa nanay niya tiklop and face expression is superb grabe even Janine g. Janice is perfect for the role," ayon sa isang commenter.
Dahil sa tweet ni Ogie, tila lalong naintriga ang mga netizens kaya mas lalo pang aabangan ngayon ang 'Dirty Linen' na napapanood sa Kapamilya Channel, Kapamilya Online Live, A2Z, TV5, at iWantTFC.
No comments:
Post a Comment